يدق جرس الباب وانت قاعد فى امان الله..خير اللهم اجعله خير
تلاقى قدامك حاجه كدا متر فمتر وشايله على ضهرها شنطه أدها خمس مرات محشيه ملابس وجهاز للأروسة وخلافه وجايه تعرض الحاجات دى
صينى لسا نازل طازة من موطنه الاصلى..واللى جاية تبيع لك كمان صينيه ميه فى الميه
وبتتكلم عربى بطلوع الروح..دا لو قلنا عليه عربى اساسا
يعنى تفتكروا ليه واحده زى دى تلف على كعوب رجليها وكمان فبلد حتى مش اصحاب البشرة الصفراء زيهم ولسانهم مختلف تماما عنها؟
حتى كل ماروح معرض اتكعبل فيهم...ناس بتعرض منتجات جودتها عاليه واسعارها معقوله
يبقى ليهم حق يحتلو البلد دى مع ترحيب حافل من اهلها اللى مش قادرين حتى يعملو عروسه خشب
طيب ياريت اللى بيخترع حاجه عندنا بيلاقى اللى يعبره وحتى لو..ياهتتركن على الرف مع باقى الانتيكات ياهتتباع للخواجات
انا عارفه ان الكلام دا كله مش جديد بس عاوزاكو تشاركونى برأيكو ازاى نخللى البلد دى تتكلم بالصينى
وقصدى هنا اننا نعرف نفكر زيهم..على رأى فيلم الحاسه السابعه..لقى اللى هيحاربو بيفكر بالصينى فراح اتعلم صينى مخصوص علشان يعرف يهزمه..ودى كانت النقطه الوحيده اللى تقريبا عليها القيمه فى الفيلم دا
بجد ياجماعه انا مفروسه اوى من الموضوع دا..وعلشان معدل الفرسه يزيد انا جمعت شويه معلومات عن النمر الآسيوى القادم وقعدت أقارن بينها وبين بلدى العزيزه..حاجة تفرح بصراحه
:اللى مرارته ماتستحملش يعدى عالسطرين الجايين دول ويعمل نفسه مش شايف
تعتبر الصين أكبر دولة سكانا في العالم وبلغ تعداد سكانها مليارا و284 مليونا و530 الف نسمة (باستثناء منطقة هونغ كونغ الإدارية
الخاصة ومنطقة ماكاو الإدارية الخاصة ومقاطعة تايوان) ويمثل خمس اجمالي عدد سكان العالم.
تشهد الصين نموا اقتصاديا سريعا منذ قيام جمهورية الصين الشعبية عام 1949. وخاصة منذ بدء تطبيق سياسة الاصلاح والانفتاح على الخارج عام 1978، حيث ظل الاقتصاد الصينى ينمو بصورة مستقرة وسليمة، اذ بلغ معدل نموه السنوى اكثر من 9%. وفى عام 2003، بلغ اجمالى الناتج المحلى الصينى 1.4 تريليون دولار امريكى محتلا المركز السادس فى العالم بعد الولايات المتحدة واليابان والمانيا وبريطانيا وفرنسا. وحتى نهاية عام 2003، تجاوز نصيب الفرد الصينى من اجمالى الناتج المحلى للبلاد 1000 دولار امريكى.
ويبلغ عدد الدول والمناطق التى لها علاقات تجارية مع الصين أكثر من 220 دولة ومنطقة.
تقوم الصين على تطبيق سياسة الانفتاح الشامل على الخارج، والاستعداد لاجراء التبادل التجاري والتعاون الاقتصادي والفني والتبادل العلمي والثقافي على اساس المساواة والمنفعة المتبادلة مع مختلف الدول والمناطق في العالم لدفع الازدهار المشترك.
وقد وصل معدل التجارة الصينية إلى المركز السادس فى العالم عام 2001 وكانت في المركز ال32 فى عام 1978 والمركز ال15 فى عام 1989
ان الصين دولة نامية كبيرة،وهى دولة دائمة العضوية بمجلس الامن الدولى
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واحنا كمان بلافخر دوله نايمه كبيرة اوى اوى ومجدع وعشرة على عشرة
وعلشان تعرفو ان انا بتكلم بجد ومش بهزر معاكو
انا هكون اول واحده تتعلم صينى ولله الحمد طلعت بكلمه
" نى هاو" يعنى "هاى"و"هاللو"و"بون سواغ"و"السلامو عليكو"
ياللا عاوزين المنافسه تشتعل وسمعونى اجدع سلام صينى غير قابل للكسر
30 بعبر ياشعب:
lovely page, blessed,c ya
فكرتينى بالفيلم
ده بيفكر بالصينى
لما قام من النوم مفزوع
يا ترى الصينين لما يكتروا ف بلدنا هنلاقى مية نشربها و اكل هناكله؟
يا ترى النيل هايبقى فيه مية؟
ربنا يستر
بوست جميل
والله هما الصينيين احتلوا بلاد العالم كله
الحقيقة يستاهلوا والله عالم بتشتغل وبتتعب
انتي قولتي حاجة مش عارف قصدتيها ولا لأ
كل واحد فيهم شايل شنطة أول منه وضخمة جدا عندنا هنا لو اديتي ربع الشنطة دي لأي حد هيقولك تقيلة ما اتعبش نفسي واشيلها
يللا خير
يا ريت نعمل قاموس صيني ونوزعه ع الشعب كله يمكن نعرف نهزمهم
سلااااااااااااااام
والله الكلام ده نفسه كنت بقوله لاخويا اللى كل اما يتكلم يفضل يقول الصنين دول اي كلام وبيقلدوا ويغشوا البضايع والمنتجات كنت دايما بقوله ياريت احنا نبقي ربعهم ونعرف نغش على الاقل...احنا اساسا ولا نعرف حتى لحد دلوقتى نعمل مقاومة او مكثف صغير وهما بيعملوا اجهزة وطيارات وحوارات كتير :)
هما على مشارف انهم يملكوا العالم والزمن اللى جاي بتاعهم واحنا للاسف كل اما نفكر نتقدم خطوة نرجع الاف الخطوات
انا اساسا كنت دايما بستعجب على حالنا ازاى احنا احفاد اعظم حضارتين فى العالم الحضارة الفرعونية والحضارة الاسلامية...مش عارف والله ازاى !!
مش عارف اقول ايه بس انا هفضل السكوت لاني عارف ان كلامي مش هيضيف الا الالم
مع خالص تقديري واحترامني لمعاليكم صرصارة هانم
ناه نيها نهو ساب الواد و خد ابوه
يعنى اكيد لازم فى حل بس مش لازم يعنى نتعلم صينى و نلبس صينى عشان نبقى متقدمين
الصين اهم حاجة عملوها انهم اتمسكو بعاداتهم مش زى المصريين لو قلتله تبيع شرفك ؟ يقولك ابيع يا باشا ... تبيع كرامتك ؟ ابيع يا بيه ... تبيع تبيع تبيع
معدش عنده حاجة يبيبعها يعمل ايه يروح برة بلدة يتمرمط و فى الاخر يرجع بلده تانى
انا دائما اعتقد اعتقاد يصل للدرجه عدم الاعتقاد في اي اعتقاد قاعد جنب اعتقاد تاني
ان الحل الاجمل ان ناكل اكل صيني اهه كله خضروات و صحي علي الاقل
ويبقي استفدنا حاجه يا نبقي زيهم يا كلنا اكل حلو
تحياتي
one of the issues that gives me a sudden rise in blood pressure and a severe headache.
They simply "WORK",...no time for gossiping and chit-chating.
2ennama 2e7na ba2ah,...sama3any a7la "Masr ya 2wel noor feldonya, sha2 zalam 2eleel.."!!!
مش عندكم يا بنتي لوحدكم احنا كمان عندنا
we can simply take their plans nd how they raise from dustruction to huv such a trade
fe3lan it;s a tragedy !!!!!
thx alot for the info about china
بون سواغ
-wiskey puzzler:
that's sweet of u
thnx so much
::::::::::::::::::::::
-khaled:
قال يعنى دلوقت احنا لاقيين الميه واللا الاكل
هى دي يتقال عليها ميه(استغفر الله العظيم)
واللا بقى فى طعم للاكل دا اذا كان فى اساسا
خللينى كاتمه فقلبى وساااكته
وشكراااا على مرورك
::::::::::::::::::::
-عبوووووود:
كل دول واوات.. باين عليك كريم اوى:)
وعلى فكرة الست اللى شفتها كانت شايله شنطه فعلا اكبر
من حجمها..والله صعبت عليا
بس هى عندها اصرار انها تحقق اللى سابت بلدها علشان تعمله
ناس جامده بصحيح.. مش احنا ورق
واهم حاجه اننا نعمل قاموس عن الطرق اللى خلت الصين
تبقى من اهم الدول مع انها ناميه علشان نستفيد من تجاربها
::::::::::::::::::::
-shams:
اوعى تفضل السكوت دا
انا صحيح عملتله يوم عالمى قبل كدا
لكن مش معناه اننا نسكت
امال لازمة الكتابه ايه
دايما بعبع ومتخلليش حاجه فنفسك
ودايما كدا منورنا يامعالى الباشا:)
:::::::::::::::::::::::::
-shab 3ady:
وخد ابوه يعمل بيه ايه؟
امال المدام فكيهه هتضرب مين بالشبشب ابو صوبع دا؟
وبعدين معدش فى حاجه تتباع ازاى؟
دا لسا فاضل الحديده بحالها:)
:::::::::::::::::::::::::::
-عبد الله:
ايه الحكم دى بس احنا مش اد الكلام دا
بس مين بقى اللى يستحمل السوشى!!!!!
ياللا اهو فى الاخر هو اللى غلب واحنا اللى فضلنا فى الفول
تحياتى
::::::::::::::::::::::::::
-hurricane_x:
old song for the old egypt
not for the new look egypt
we still in dark and no one know when we'll get up
all we can do is to pray beside working hard
so we shall start by ourselves and never look to the weak sides
best regards to u
::::::::::::::::::::::::::::
-anima:
ياحلاوة ياولاد
ايون كدا امال نبقى وحده عربيه وطنيه مستقله ازاى:)
::::::::::::::::::::::::::::::
-ma-3lina:
sorry but what u meant by dustruction?
u mean industries, or another word??
.bcoz the word u typed is near to damage
which is destruction and i dont think u meant that.
and u r welcome anytime:)
بون سواغ ورحمة الله وبركاته
::::::::::::::::::::::::::::::
وانشنتناي
يعنى بحبك بالصيني
!!!
بجد فعلا موضوع لازم يتفتح ونتكلم فيه
جزاك الله خيرا
ليه الصين وصلت لكدا؟؟؟
عشان ناس عاوزين يبقوا كدا
ناس بتهتم تنتج
عندنا اقصي امل للشاب الخريج انه يشتغل من الساعة 8 للساعة2
والفلوس اللي بيجبهم دا ان جاب فلوس اساسا
يا اما يغير بيها موبيل
يا اما يجيب بيها دش
ولو ربنا فتح عليه يحطها في البنك عشان ياخد ياكل الربا وهو نايم في بيتهم
ونقول احنا شعب بتاع شغل وشعب مطحون
هناك المصانع بتبقي في البيوت...يعني مثلا المنطقة الفلانية بتنتج المنتج الفلاني وليكن عجل اطفال
تلاقي البيت الاول بيعمل الجادون
تلاقي التاني بيعمل الهيكل
وتلاقي التالت بيعمل البدال...
والرابع بيجمع ويقفل
وهكذا...
بتطلع في الاخر من الحي دا 100 عجلة في اليوم علي سبيل المثال
احنا برضو بنعمل الكلام دا وبنجمع...بس بنجمع العجلة وهي علي غطيان الحاجة الساقعة عشان نكسبها
ونيجي نقول احنا شعب بتاع شغل
ايوة احنا بتوع شغل صحيح
بس مش بتوع إنتاج
منعملش حاجة محترمة غير للتصدير بس
اما المنتج اللي بينزل لعامة الشعب اللي هو احنا بيكون طالع من بق كلب (معذرة في اللفظ)...بس الموضوع استفزني
هتقولوا الحكومة مش مديا لحد فرصة يعمل كذا وكذا...اصل الحكومة بتعمل معانا كذا
اصل مش عارف الحكومة ضد المصانع
دي بقي اسمها حجة البليد....
ياريت عندنا ربع إرادة الصين....اللي مكتفوش بالانتاج وبس....لا اكتفوا كمان بالتوزيع والتسويق...
اتمني دوام النقاش واعبرة والاتعاظ
جزاكي الله خيرا اختي الكريمة
بصى اكيد فى حل وانا شايف اول حاجه نعمله
يتعين رئيس جمهوريه جديد
بعديها نجيب المصرين نوديهم الصين
ونجيب الصينين نوديهم مصر وبعدين نرجعهم تانى
وعيشى بقه
المصرى الى كان بياكل فول وطعميه هياكل
بالعصيان وى يتغدى شوربه
السلام عليكم ورحمة الله وبركاته
اعتقد ان السر وراء النجاح الكبير اوي للصينيين مع انهم بدأ معانا في أواتئل الخمسينات ، هو العصيان اللي بيكلوا بيها دي.....اه هي العصيان
ماهو لما واحد يجيلوا صبر انه ياكل بعصايتين ويعرف ازاي يثبتهم ويمسك بيهم الاكل بمنتهي الدقه والحرفنه
اكيد ها يبقي باله طويل اوي ويعرف يصابر لحد ما ينتج ويوصل للي وصل له ده
اما عندنا هنا فالناس بتشيل بالطبق وعلي بقها علي طول ،ما فيش وقت ...ولا بال ....ههههههه
-sharm:
بالنيابه عن روميوهات مصر جميعان
اتقدم بخالص الشكر والعرفان لاخونا
العزيز شارم على تزويدنا بهذه الكلمه
الى قاموس شبابنا المروشن
جعلك الله زخرا لارض الوطن:)
:::::::::::::::::::::::::::::
-الراقص مع الذئاب:
انا بكون سعيده جداااا بتعليقاتك على
المواضيع المتواضعه اللى بكتب عنها
وانت فعلا جبت المفيد كله
جزاك اللى خيرا.
احنا بنتجمع فى حاجه واحده
فى الأذى وبس.. يعنى ازاى نعمل حاجه
انتاجها كتير وربحها اكتر بس على حساب
باقى الناس اللى هيستخدمو المنتج دا
زى موضوع اللبن ابو اسمنت.
ومش مهم بقى الناس دى يجرا لها ايه
على العموم احنا اللى بنعمله فى نفسنا
وربنا يصلح الاحوال.
::::::::::::::::::::::::::::::::::
-khaled:
ههههههههههه
دانت قلبك ابيض اوى
بلاش نقول قلبك زى اللبن
احسن بقى يتغش هو كمان:)
انت عاوز تقوللى ان المصريين لما يرورحو الصين
ويشوفوا الأمله اللى عايشين فيها
هفكرو اساسا يرجعو البلد دى
ههههههههههههه
والله قلبك ابيض
:::::::::::::::::::::::::::::::::
-خمسه فضفضه:
وعليكم السلام ورحمة الله وبركاته
عصيان ايه وشماعات ايه؟؟؟
مفيش احسن ماالبلدى واكل البلدى
ايون كدا امال لازمة المعلقة والشوكه والسكينه الربانى دول ايه
كف الايد معلقه واغرف وعيش
والصوابع شوكه القط وسمى وكل
والسنان والضروس سكاكين بتطحننن
تقومو تقولولى عصيان
دا كلام برضو.. لااخص عليكو اخص:)
و الله الناس دول معلهمش ذنب انهم عايزين يشتغلوا و ينتجوا..بس احنا بئى اللي مش عايزين نهرش الفولة و نعمل زيهم و بدل ما نروح نجيب و نستورد الحاجة بتاعتهم من هناك نفكر نعملها ازاي هنا في مصر من غير منستنى حاجة من الحكومة..لكن احنا احسن ناس في العالم تقعد و تحط رجل على رجل و تستنى الفرج..دول حتى مكتفوش انهم يصنعوا و ينتجوا وبس دول بييجوا يبيعوا بنفسهم كمان..يا رب نبئى زيهم و النبي يا رب..تحياتي ليكي و لموضوعك الجميل..سلام
هم يضحك وهم يبكي وفي الأخريقولك الزيادة السكانية أمال الناس الي زي النمل دول يقولوا أية ده نمل ياباوالعدد في اللمون ومع ذلك بيعملوا من الأبرة للصاروخ المشكلة مش مشكلة كمية البشر ولكن للأسف في نوعية البشر.تحياتي
ايوة كلام جميل جدا وسليم مائة بالمائة
المشكلة مش في تعداد السكان ولا دياولو لأنها قوى بشريى للي يحسن استخدامها
المهم الإدارة
يعني القيادة السياسية الحكيمة اللي عملت من بلد تعدادة ومثافتة السكانية عالية جدا قوى انتاجية و حولتة لمجتمع منتج وليس مستهلكا
وجعلت لة مكانة سياسية و مكان في مجلس الأمن و الأمم المتحدة بالمقعد الدائم الذي هو فقط لخمسة دول
ونفس الصورة في ماليزيا اللي قائدهم السياسي العظيم مهاتير محمد جعلهم قوة صناعية كبرى في العالم
مش قيادة سياسية حولت البلد لمجتمع مستهلك و اعتبرت سكانة مستهلكون وجعلت منة عالة على المجتمع و تنادي من ثلاثين سنة بتحديد النسل حتى اصبح معدل انجاب المرأة 2.8 وهو من المعدلات المعقولة جدا ومع ذلك لا شافوا تطور ولا تقدم ولا رخاء ولا زفت على دماغهم
مش قيادة سياسية جعلت كرامة بلد بحالة في الأرض اسفل سافلين على جميع المحافل الاقليمية والدولية
وأخيراً
ساواديكاااا
يعني باي باي بالتايلاندي
بتسألوا إيه حلنا
ليه إتقدموا وإتأخرنا
الحل عارفينه جوانا
بس إحنا اللي استهبلنا
استعبطنا واستسلمنا
أكننا مش واخدين بالنا
عارفين إن العيب في ضمايرنا
والضعف دخل قلوبنا
ومصيرنا يحدده غيرنا
....وخوفنا
خوفنا علي اللقمة والهدمة
واستسلمنا للكسرة بإرادتنا
وسيبنا الحرامية في غيطانا
تنخر في أشجار ضلنا
إمتي هنفوق من نومنا
إمتي هننضف أرضنا
إمتي هنكسر عدونا
-shreef:
المشكله ان حتى لو بنصنع حاجه
بتكون مجرد تجميع لكن اصل المنتج
اتعمل ازاى الله اعلم.
احنا بنعمل زى اللى بيجمع مكعبات
وبيكون صورة فى الاخر لكن ازاى المكعبات
دى اتعملت معندناش فكرة ومظنش هيكون
عندنا فيوم.
نظرة تشاؤميه بحته انا عارفه
تحياتى
:::::::::::::::::::::::::::::::::
-سكتم بكتم:
طالما المشكله فنوعيه البشر يبقى
لازم البشر دى تتغير.
واحنا فعلا بنتغير لكن للأسوأ مع الأسف
يبقى لازم نبدأ من نفسنا ونشيل الجمله
اللى لازقينها على لسانا زى اللبانه دايما
"وانا مالى"
لو الكل اشتغل فماله يبقى اكيد هنتغير
المسأله عاوزة صبر بس احنا نقدر
بإذن الله
تحياتى
::::::::::::::::::::::::::::::::
-الحصان الأسود:
كلام جميل وكلام معقول
مقدرش اقول حاجه عنه
وساواديكااااا ازرئيكااااااا
وايامنا ابيضيكااااا بإذن الله
يعنى انظر للشمس والبس نضارة:)
تحياتى
::::::::::::::::::::::::::::
-قنديل فى قلبى:
فكرتنى دلوقت بقصة فى الاتحاد قوة
لما واحد حب يعلم اولاده معنى الاتحاد
جاب فرع شجرة بسيط وكسره بسهوله
لكن لما خللى اولاده كل واحد يجمع فرع
وحاول يكسرهم مع بعض طبعا ماقدرش
يعنى طالما عدونا شايفنا فرع هذيل
سهل كسره وتشكيله كمان على هواه
يبقى عليه العوض ومنه العوض
وكله فعلا خايف على لقمة العيش
والضمير انقرض خلاص
اتمنى فعلا نفوق بقى ماللى احنا فيه
ونشيل السرطان اللى بدأ ينتشر
سرطان فكل حاجه حوالينا
تحياتى ليك وشرفتنى
نى هاو
هما مجتهدين ولكل مجتهد نصيب عقبالنا كده ان شاء الله
نى هاو
يرتبط الصينيون فى تفكيرى مع الحكمة القائلة احترس من كل من اقترب من الارض
قوم يستحقوا الاحترام و يستحقوا كمان اننا نطلع اللى فى جيوبنا و نديهولهوم
الغريب في الحكاية دي
اني في البيت
مجانيش ولا راجل صيني قبل كده
كلهم حريمات
وتلاقيها بجد
متر..والشنطة مترين
فوانيس وسجادات صلاة ميد ان تشينا
سبح..ميد ان تشينا
كومبيوتر ميد ان تشينا
عارفين ايه اللي لسه مش صيني؟؟
قولوا كده؟؟
المدونات
ههههههههه
اصل بوجر دي تبع جوجل ..امريكي
برضه قريب من الصين ..مش بعيد عنها
شكرا يا استاذة صرصارة
فية مقولة بتقول ان الأمريكاني يخترع شيء او جهاز معين
فيأخذة الياباني و يطورة ويضيف الية و يحسن منة
ثم يأخدة الصيني و ينسخة مثل آلة تصوير المستندات و يغرق بة الأسواق بأسعار رخيصة
فعلا كلام حقيقي ويعبر عن واقع صناعي
بس أضيف لة انة: ثم يشترية العرب ويتهافتون علية ويتمنظرون بة
هم يضحك وهم يبكي
على فكرة الصينيون اذكياء جداً بيشوفوا اية المطلوب و فين ويروحوا يبيعوة
يعني لما لقوا ان تصديرهم لصناعاتهم لمصر مش كفاية وان الجمارك و الشحن و مكاسب المستوردين نسبة عالية جائوا هم بأنفسهم هنا و أستأجروا شقق و عملوا فيها ما يشبة الأسر المنتجة بتاع زمان و أبتدوا يصنعوا مفارش و ملابس و أحذية و غيرة و غيرة وكل ما يستهلكة مجتمعنا الأستهلاكي و يبيعوة بأرخص الأسعار بعدما إستقطعوا ما كان يضيع بين شحن و جمارك و ضرائب و نسبة هامش ربح للمستورد
و بالمناسبة حلاظت خلال السنتين اللي فاتوا ان فية صينيات كتير في دبي بيمتهنوا الدعاره
ودة طبعا اصبح الغزو الصيني الحديث لدولة الأمارات بعدما لاحظوا ان كثير من الروسيات والتركيات و جنسيات أخرى يذهبون لدبي من اجل ذلك حيث ان هذا السلوك شائع و متاح جدا هناك
وأخشى انة في القريب سنجد الفتيات الصينيات سيتجهون لمصر لنفس الغرض بعدما تشبع السوق الأماراتي بهم تماماً و في نفس الوقت ارتفاع سن الزواج و ارتفاع الاسعار و عزوف الكثيرين عن الزواج سيولد سوقا جاذبة لهم
وهم بالمناسبة و بما رأيتة في دبي غير الصينيات الآتي نراهم هنا بل يوجد منهم اجناس تتميز بالرشاقة و البياض ووشبة مضيفات الطيران الآسيويات ومش كلهم قصيرين ومكعبرين زي اللي بنشوفهم بيبيعوا جزم وهدوم هنا
ربنا يستر
تحياتي
-الارموطى:
عقبالنا يارب يارب
يااااااااااااااااااااارب
نى هاو ورحمة الله وبركاته
:::::::::::::::::::::::::
-ahmed_h:
ايه النداله دى
يعنى يبقى معاك فى جيبك
وتديه للغريب
امال احنا فين ياراجل
انت متعرفش انى بحب اللب السوبر
المرة الجايه تملى جيوبك لب قبل ماتتيجى
تحياتى:)
:::::::::::::::::::::::::::
-خالد وليس بخالد:
امال ايه لازمته اعلان المشاركه مابين اتنين بتاع الاسرة والطفل:)
الراجل هناك بيصنع والست بتوزع
شفت بقى المخيخ بيفنكر ازاى
وتبقى مصيبه لو قلبو البلوجر صينى
انا عندى يقلبوه هيلوغريفى احسن:)
وشكرا ليك استاذ خالد
البقاء الله:)
::::::::::::::::::::::::::
-الحصان الاسود:
اييييييييييييييييييييون
عليك نوووووووووووور
احنا بتوع المنظرة
الله ينور علييييك
على راى عفروتو
اقعد واتقنعر
اامر واتمنظر
واحنا منشكحين اوى من كتر البلاهه اللى احنا فيها
بس ربنا يستر من مصيبه البنات دى كمان
الشباب هنا ماهيصدق
حمار وحلاوة ياقوطه ياصينى
وهيييييييييييييصه
بجد ربنا يستر
وعليه العوض ومنه العوض مقدما
اصل البلد ناقصه بلاوى
تحياتى ليك وشكرا لمرورك
السلام عليكم
اولا انا حزين اني دخلت متاخر قوي المدونه هنا
بس مش مهم اكيد فيه خير
انا مع كل اللي اتقال
بس مش واخدين بالنا من حاجه؟
طبعا علشان نعرف سر نجاحهم لازم نعرف هما عملو ايه
واحنا عملنا ايه
التنظيم عندهم كان ازاي واحنا ازاي
احنا الاتنين كنا دول اشتراكيه
وطبعا عارفين الاشتراكيه
نقطة التحول بقي
لما هما وحنا غيرنا النظام الاشتراكي
علي فكره انا مش واخد كلية تجاره بس درست الموضوع ده
هما خدو التحول ده واحده واحده
احنا خدناها مره واحده
انا مش ضد السادات
بس الانفتاح مكنش عن دراسه
كان خطأ كبير جدا
وهوه مكنش دارس الموضوع
هما بقي عملو حاجه اسمها التوازن الاقتصادي
يعني بالعربي كده عملو خطين علي الارض وخلو النظامين ماشين جنب بعض
طورو الاشتراكيه
وادخلو الراسماليه
يعني المستثمر يعمل ويطور
والدله برضو تطور
ويدخلو مرحله المنافسه
انا طولت في الكلام
بس صدقوني العيب مش في الشعب وبس
علي رأي برايز
العيب في النظام
مهند المصري
-mohandat:
وعليكم السلااااام ورحمة الله
وانت مش جاى متأخر ولا حاجه
الموضوع لسا مفتوح للمناقشه ومظنش انه هينتهى
طول مالكلام مانتهاش عن البلد دى
انا بقى دارسه تجارة وفعلا الادارة والتنظيم المظبوط
والتخطيط الاستراتيجى فى كل المجالات
والحاجات المكلعكعه دى كلها بتفرق كتير اوى عن المشى
بنظام خلليها بالبركة وخلليك مع اللى يدفع اكتر ومش مهم بقى
المستثمر دا جاى منين واللا ناوى على ايه بالظبط
هى أمور كلها السياسه والاقتصاد متداخلين فيها بشكل كبير
لكن انا ليا صديق بيدرس فى الصين ورأيه انهم مش هيستمروا
فى التقدم دا كتير لانهم معندهمش مهارات فى الابداع
هما فعلا زى مالحصان الاسود قال انهم بينسخو المنتج زى
آلات تصوير المستندات
هما بس اللى مقويهم النظام وانهم مختارين السوق اللى يعرضو
منتجاتهم فيه صح اللى اسمه(target marketing)
ومنتجاتهم اللى بيميزها رخص السعر لكن لو واحد عاوز
يشترى منتج جودته اعلى وقدامه نوع المانى وصينى بصرف
النظر عن السعر.. اعتقد انه هيختار الالمانى
يعنى هى مسأله استغلال التسويق صح
لكن اعتقد اننا من حيث المهارات فى الابداع والانتاج افضل منهم بكتير
بس اللى يستغل دا بجديه.. انما نقول ايه بقى
منه لله النظام اللى شوه معنى كلمة نظاااام
ياللا انا رغيت اكتر منك اهه:)
وتحياتى ليك
في اوشاعات بتقول
ان الشحنة الجديدة من المصريين هاتتعمل في الصين و تتقفل في مصر
يعني دماغ بق عينين هاتتعمل هنا
و الباقي من برة
-ana ga3an:
ههههههههههههههههههه
عمار يااااااااااااا مصرررر
انا عاوزة الشعر اصفر والعيون فحلقى:)
Post a Comment