Tuesday, April 24, 2007

ياشماتة أبله ظاظا فينااااا



ممكن اعرف لما انت مش أد الحديد بتشيله ليه

واللا عشان متعود تشيل ازايز رمل وتقول عليها رفع اثقال يبقى خلاص

بقيت الاول على العالم فى وزن الفيل...واللا يمكن الديناصور كمان

انا عاااااوزة افهمممم هما كانوا محطوتين فى الملعب تماثيل

واللا كانوا بيتفرجو عاللى بيحركو الكورة برجليهم زى الملبن

دا الرجال بيشوط الكورة بضهر رجله من غير مايبصلها اساسا...ممكن حد يطلع منننا ربع رونالدينو دا
على رأى مدحت شلبى ان تمنه لواحده يساوى النادى الاهلى كله باللى فيه

انا بصراحه استمتعت جدا بلعبهم..بس استمتاع واحده مفروسه ومحروق دمها وضغطها ضرب الرقم القياسى
واللا متعب...ضيع لوحده فرص اجوان الماتش كله تقريبا..ارحمنى يارب

طيب يعملو حساب للراجل الكوباره اللى حضر الماتش مخصوص وسايب البلد تضرب تقلب
واللا للكتكوته حفيده اللى ياختى كميله كان منور بالاحمر اللى لابسه دا
انا كنت حاسه انهم مفضيين بنزين من قبل مايلعبو اساسا...بجد كان احتفال مفيش بعد كدا
انا بنت خالتى جاننتنى لما جه الجون التالت قلت منك لله يامتعب..روح ياشيخ انت طالق بالتلاته
هى بقى ماسكتتش..قالتلى لاياماما الشرع بيقول مثنى وثلاث ورباع والجون الرابع جاى فى السكه
وحياتكو ماكملتها...لقيت الجون بيرننننن فى الشبكه
بس قالت كلمه حكمه والله...عماد متعب دا بقى ثانى
أكسيد النحسوز..
الجون يبقى فاضى قدامه ومتعرفش معموله عمل دا واللا ايه..يمكن شمهورش بيجيله ويقوله لو شوطت الكورة هنقطع عنك التموين
جايز برضو الحاجات دى موجودة..اشتاتا شلوت
طيب ماطولش عليكو بقى واسيبكو مع اللقطات النادرة دى..هى مش واضحه بس ياللا احسن من مفيش

ومعلش بقى ياحضرى مفيش بطيخ المرادى..لما الموسم بتاعه ييجى:)


الصوررر دى سبق صفحى لجريده الصراصير
هى سبق صحفى للخيبه بس برضو دا كان يوم تاريخى وزى ماالبطولات بتتخلد
لازم برضو النكسات تتخلد
وعلى رأى تامر امين
..هو معقول صحيح المليارات دى تتغلب من الملايين
وعجبى

بس اعمل ايه فى قلبى الرهيف دا..لسا بنحبك ياأهلى

Saturday, April 21, 2007

مجرد محاولة

تحديث للبوست
ـــــــــــــــــــــــــ

لمصمم الجرافيك أحمد عبد العزيز


لدكتورة خمسة فضفضة


السلام عليكم


انا جمعت اكواد اللوجوهات اللى اتعملت فى ملف نوت باد


لانى لاحظت كتير بيدور على الاكواد او مش عارف ينزلهم ازاى


اخونا مهند كتر خيره فكر فى الموضوع وانا كنت ناوية اعمله برضو


ومن رأيى ان الكل ينشر اللوجوهات بالاكود بتاعتها فى مدونته



اتمنى من الجميع نشرهم ليعم الفائده



Friday, April 20, 2007


هل جال فى خاطرك ذات يوم عندما ينتشر الضباب ويغلب السكون على جوانب حياتك

وتشعر كأنك اصبحت سرابا غير مرئى وسط صحراء لم تكن يوما ترغب بالوجود بها وتتهافت على البشر لتشعر بوجودهم حولك

هل جال فى خاطرك يوما عندما تبحث فى كل مكان كالذى فقد عقله ولكنك لم تفقد العقل بل تفتقد لكنز قد تجده يوما وتفقده زمنا

هل جال فى خاطرك ان هذا الكنز بجوارك..قريب منك..يشعر بك ولاتشعر بوجوده معك..تتمنى يوما الحصول عليه ولكنك دائما تنظر للسماء ولم تفكر يوما بالنظر من حولك وان تحد من خيالك الجامح


عندما نبحث عن الكنوز المدفونه فى أعماقنا لانجد الضوء الكافى ليرشدنا إلى غايتنا ويكون نجمنا المضىء فى ظلام النفس البشريه

هذه النفس المليئه بالغموض والاختلاف..النفس التى من النادر ان تجدها فى صفاء الماس وعذوبة ماء الجنان


سأتحدث عن النفس التى تلاحقنى دوما وترافقنى كظلى الدائم..انها انا..هذا الضباب وهذا السكون.

.المعقل المحكم غلقه ليعزلنى عن نجمى الذى ابحث عنه ليرشدنى لكنزى الضائع


نفسى التى اخوض معها الف معركه يوميا لتبتعد عنى لأرى النور وأجد الللؤلؤ المفقود.. فهل سأنتصر يوما عليها؟؟

منذ لحظات ليست بعديدة لاحت بوادر النصر ولاح فى أفق حياتى أول شعاع من الأمل بقرب الحصول على كنزى المفقود


لعل بعض منكم الآن يتساءل عن كنزى الضائع

إنه لآلىء الصداقة نادرة الوجود وياقوت المحبه فى الله وجوهرة الصحبه الصالحه والرفقه الطيبه


وكم هى سعادتى الآن بالعثور عليه بعدعناء طويل من البحث..لقد بحتث هنا فى صحراء هذة الشبكه التى فرضت وجودها علينا

شبكه يقال عنها عنكبوتيه ولكننى لااجدها كذلك..فبيوت العنكبوت ضعيفه هينه ولكننى اجدها بقوة الهرم وصلابت الحديد

لقد قويت بوجودكم يااغلى كنز حصلت عليه ولست على استعداد لانه افقده مرة اخرى


أسعدنى وجودى معكم وسأعيش اتذكر أجمل الأوقات التى قضيتها معكم إخوتى الاحباء

ودمتم فى رعاية الله


**************************************************


لقد بحثت عن هديه أرفقها بهذه الكلمات ووجدت هذه الصورة المتواضعه..أرجو ان تنال اعجابكم



Thursday, April 19, 2007

وبدأ العد التناااااازلى

وأخيرااااااا يوم الخميس
حفلتنا النهااااااردة ياإخواتى الاعزاااااااء
منتصف ليل القاهرة وعلى مدار ال24 ساعه
وأخونا مهند ربنا يكرمه ياااارب عامل بوست تعليمى فى مدونته عن كيفيه دخول الشات رووم
وانا هكون اول الحاضرين بإذن الله بس ربنا يستر
وجهازى مايحصلوش جلطة فى الهارد واللا حاجه
ياللا هنستناااااااكو

Tuesday, April 17, 2007

الـ ت ا ج علينا حق..إهىء إهىء

واضح كدا انه التاجات لاتأتى فرادى
تاااجين ياربى..عملت ايه فدنيتى بسسس
دانا بيصعب عليا اللى بيقعد على كرسى الاعتراف الالكترونى دا اقوم انا ادتبس فيه
هو الذ حاجه فى الموضوع انك بتحس انه فى ناس بتييجى على بالهم وبيفتكروك
بس صراحه ايييييه بيفتكرونى بكل خير والله....ماتعرفوش دلوقت معزتكم فى قلبى أد ايه
ان شاء الله هستناكو بره البلاعه
وبما انى صرصارة غير تقليديه فانا ماشيه بمبدأ مينز فيرست
ونبدأ بتاج أخونا مهند..سؤال واحد بس عاوزله بوست لوحده:
ياللا بسم الله الله أكبر

تكلم عن هواية لما بتمارسها بتستغرق فيها تماماً وتنفصل عن عالم الواقع لفترة من الوقت أثناء ممارستها؟
..هى مش هواية واحده وهتكلم عن كله عشان مش بحب الانحياز
وانتو اللى جبتوه لنفسكو
اولا
هواية كنت بعيش فيها ونفسى ارجعلها تانى واقولها مهما الزمن يبعدنا انا راجعااالك من تااااانى
الرســــــــــــــــــــــــــم
احساس رااائع وانت بتحرك القلم وكأنه جزء منك بترسمه على ورق
وانت بتلعب بالالوان اللى بتخلليك فعالم ساحر متحبش تخرج منه ابدااا
ثانيا
التأليف: ودى بقى تأليف كل حاجه من اغانى لتلحين لكتابه قصص وتمثيل كمان
كل دا كنت بعمله وانا صغيره..لدرجه ان ماما بتقولى انتى عنيكى دى كانت بتلمع من كتر الذكاء والنباهه
:)نفسى اعرفففف ايه اللى جرالك..شكلى اتحسدت واللا ايييه
المهم اللى بدأت ارجعله تانى هو الكتابه ودا طبعا من خلال بلاعتى حبيبتى
وطبعا بنسى الدنيا كلهاااا وانا فيها
ثالثا
دا كوكتيل هوايات محبش
جمع القواقع والاصداف والكتابه على الوايت بورد
وعمل افتكاسات من حاجات قديمه عندى
بس دول بقى انقرضو من حياتى..وااااء
الاولى مبقتش اروح شط الاصداف حلوة فيه
التانيه مبقتش اروح الكليه خلااااص
والتالته نفسى مسدودة لاجل غير معلوم
رابعا
الاستماع للموسيقى وبالذات النوع الاوبرالى والكلاسيكى
وامنيه حياتى اعرف اسامى المقطوعات اللى بحبها ومين اللى مألفها
وطبعااااا الاستمااااع للكارتووووون اللى بموووت فيه وبحس انى عايشه جواه
وبزعل جدااااا لما يخلص
والافلاااااام والمسلسلات الاجنبى من خيال علمى لكوميدى ورعب واكشن على خفيف بقى ماقلكوش عليهااا
دا ادماااااااان عندى ومحدش بيعرف يقومنى لو فى مسلسل واللا فيلم شاددنى
واخيرا..ياللا كفايه عليكو كدا
القرااااءه وبالذات روايات الجاسوسيه والالغازوالخيال العلمى لانى بحب اتخيل كل كلمه بقراها
وعلى فكرة انا كنت مدمنة مجله علاء الدين وكنت بخلى البنت فى المكتبه تحجزهالى كل اسبوع
لحد ماخلصت الثانويه العامه..اصحابى عقدونى وكانو بيترقوا عليا عشان بشتريها
والله العيال دى ماعندهاش اى حس فنى طفولى
دلوقت بقى انا فإيدى روايه هارى بوتر والامير الهجين
ادعوووولى انى اخلصها احسن من ساعت ماتقاعدت من الكوليدج وانا بقرا فيها
ااااااااااه صحيح
تصدقو نسيت الراس الكبيرة فى الموضوع دا كله
الحته اللى جوا بقى ..اكيد الكل عارف من غير مايقول عروستى
الحاسوب والشبكه العنكبوتيه اللى على اديهم بإذن الله هيجيلى استبحس وهركب نضارة فوق اللى انا لابساها
وكل ماسبق لو ببدأ فى اى حاجه منهم بنسى اسمى والبيت والناس اللى عايشه معاهم
:)وهما الحمدلله خلاص اتعودو على انى موجودة صورة بس وبيستعوضو فيا ربنا
ياللا بقى اشرب يامهند ولازم تقراه حرف حرف انشالله تقعد قدامه اليوم كله
::::::::::::::::::::::::::::::::::::
ننتقل الى التدبيسه رقم اتنين
من فضفوضتى حبيبتى واحب اقولها
وااااااااااااء..انا كان قلبى حاسس ماهو الهدايا هنا مفيهاش غير تاج
حد قاللكو انى عاوزة اناسب رئيس الجمهورية..التاج والعرش والحاجات دى ليها ناسها برضو واحنا غلااااابه يابوى
ياللا المهم ندخل فى المعلم تاج بقى
as long as it's written in english so my answers will be in english as well
with some arabic ta7abeesh
section 1--------------------------

last beverage?
lipton earl grey

ِlast phone call ?
hehehehehehehe
phone call!! u dont know girls or what
we open a company on the phone
talking by one hand and 1000 toungues
and the other hand playing on the keyboard:)

last instant message ?
to a friend of mine
rabena yekamelha b3a2laha:)

last cd played ?
try not to cry for sami yusuf

last time u cried ?
hahahahahahaha
the question should be: last time u didnt cry?:)

last text message ?
i didnt write messeges long time ago
thnx to the instant messeges:)

Section 2 - --------------------------------------------

Have You Ever dated someone twice?
are we in america or something!!
ana 3arabeaton>>i eat dates with milk
but i dont think i went out with before:)

have u ever been cheated on ?
ohhhhhhhh
sooo maaany times.. bcoz i am so tayeba and sazga

kissed someone & regretted it?
yess, my brother
bcoz he keeps annoying me
and each time i regret i was sweet with him
bas a3mel ehh fe 2albi el white:)

lost some one special?
my dad and i hope not to lose anyone else

been depressd ?
hhhhhhhhhhhhhhhhhhhhhhh
tell u something,
depression is my dearest friend specially in time being

been drunk and threw up?
i drunk world wide web
bcoz each time i log out and try to stand up i feel dizzy
as if i drunk fayrooz:)

Section 3 - -------------------------------------------

List 3 Favorite Colors
pink, blue,green
Section 4 - -------------------------------------------------------

This month have youMade a new friend?
sure.. many friends throughout the bloggers

Fallen out of love?
or you mean, fallen out of laugh:)?

Laughed until you cried?
i cry without need to laugh at allll
Met someone who changed your life?
i like my life as it is

Found out who your true friends were?
sure, since the day i was born:)

Is there something you want to tell someone?
no,bcoz i dont wait to say anything
usually elly in my heart 3la my toungue

Would you kiss anyone on your top friends?
againnnn we are girls ya3ny 4 kisses for each girl or u won't be a true friend:)

How many people on your top friends do you know in real life?
seven

How many kids do you want to have?
that's enough for egypt the kids she has:)

Do you have any pets ?
yes,we have pigeon
and i really like them specially when the see me coming to feed them
and fall down on the floor to catch the food

Do you wanna change your name?
my nameeeeeee
my name is my life
S O R S A R A A
see how it's so romantic:)

What did you do for your last birthday?
hohohohohohoho
my last birthday was an extraordinary day
1-it was the first birthday i had away from exams and study
2-it was the in the days of 3eed el ad7a
3- and ofcourse like each year, it was in the 1st day of the new yeaaar
so i will let u guess how i spent it:)

What time did you wake up today?
at 10:30 am.. and i dont know howwww

What were you doing at midnight last night?
logging on the internet as usual
Name something you CANNOT wait for?
my both uncles and their kids
i miss them soooooo

Last time you saw your father?
about 12 years ago

What is one thing you wish you could change about your life?
i wish i could make it more useful and well-organized
What are you listening to right now?
ma7adesh 3aref 7aga...ehi'ehi'

Have you ever talked to Tom?
i never went to the white house before:)

Have you ever talked about someone behind their back?
and why that?... i say what i want in front of them, and even if i did
i tell them what i said also in front of them:)

What’s the last piece of clothing you borrowed from anyone?
and why should i borrow.. ommal el stores de kollaha bte3mel eeh
Who’s getting on your nerves right now?
my pc...3aaaaaaaaaa

Most visited webpage?
bbc arabic
google
boswtol
amrkhaled

Coke or Pepsi ?
ice cream:)

Mac or PC?
enough for me the pc i have
i dont wanna be mad more than that:)
::::::::::::::::::::::::::::::::::::::::::::::::
بجد انا عينى طلعت وبعد اللى شفته دا قررت انى مش هامرر التاجين دول لحد
بس اللى عجبته الاسئله وحابب ياخدهم فيعتبرهم هديه منى ليه
:)ياللا اعمل خير وارميه البلاعه

Thursday, April 12, 2007

ياللا حالا بالا بالا هنوا ابو الذئاااااب


ازيكوووووووووو جميعاااااااااااااا
انا بقترح نعمل حفله صغنونه هنا فبلاعتى
علشان اخونا العزيز جدا جدا الراقص مع الذئاب
جار علوان ابو البكرى
هيسيبنا ويروح لارض المعارك اللى واخده هدنه مفتوحه
وبالروح بالدم نفديك ياايس كريم
انا بصراحه مش عارفه نتجمع كلنا ازاى فمدونتى هنا
من حيث الاساليب التقنيه والفنيه التكنولوبيه
بس انا حطيت معاد مبدأى كدا للتجمع دا
يوم الخميس الجاى إن شاء الله
يعنى على مالكل يعرف وكمان لو حد حابب يقترح حاجه
وهخللى تحديد التوقيت بالظبط الساعه كام لصاحب الحفله
واللى عنده اى اقتراح يشرفنى بيه
والله الواحد مش عارف يهنى واللا يعيط بس
الجيش دا مدرسه اذا اعددتها اعددت ذئابا طيبة الاعراق
واللا انتو رأيكو اييييييييييييه
انا بصراحه ايدى فى الميه الباردة...نو جييييش
تاراراراراراراراررارارا
اللى ايده كانت فى النار قبل كدا يحكيلنا عن تجربته دى
واكيد هنستنى اخونا الكريم لما يرجع بالسلامه ويحكيلنا عن يومياته
يوميات مجرد راقص مع الذئاب..وبين يوم وليله لقى نفسه بقى ذئب هو كماااان
اتمنى الاقى تشجيع منكو على الفكرة دى وهستنى مشاركاتكم واقتراحاتكم اللى تهمنى كتييييير
وإلى لقاااااااااء
اه بالمناسبه..سعر تذكرة الدخول: كيس عسليه

Thursday, April 5, 2007

دا بيفكر بالصينى؟؟؟!!!

يدق جرس الباب وانت قاعد فى امان الله..خير اللهم اجعله خير

تلاقى قدامك حاجه كدا متر فمتر وشايله على ضهرها شنطه أدها خمس مرات محشيه ملابس وجهاز للأروسة وخلافه وجايه تعرض الحاجات دى

صينى لسا نازل طازة من موطنه الاصلى..واللى جاية تبيع لك كمان صينيه ميه فى الميه

وبتتكلم عربى بطلوع الروح..دا لو قلنا عليه عربى اساسا

يعنى تفتكروا ليه واحده زى دى تلف على كعوب رجليها وكمان فبلد حتى مش اصحاب البشرة الصفراء زيهم ولسانهم مختلف تماما عنها؟

حتى كل ماروح معرض اتكعبل فيهم...ناس بتعرض منتجات جودتها عاليه واسعارها معقوله

يبقى ليهم حق يحتلو البلد دى مع ترحيب حافل من اهلها اللى مش قادرين حتى يعملو عروسه خشب

طيب ياريت اللى بيخترع حاجه عندنا بيلاقى اللى يعبره وحتى لو..ياهتتركن على الرف مع باقى الانتيكات ياهتتباع للخواجات

انا عارفه ان الكلام دا كله مش جديد بس عاوزاكو تشاركونى برأيكو ازاى نخللى البلد دى تتكلم بالصينى

وقصدى هنا اننا نعرف نفكر زيهم..على رأى فيلم الحاسه السابعه..لقى اللى هيحاربو بيفكر بالصينى فراح اتعلم صينى مخصوص علشان يعرف يهزمه..ودى كانت النقطه الوحيده اللى تقريبا عليها القيمه فى الفيلم دا

بجد ياجماعه انا مفروسه اوى من الموضوع دا..وعلشان معدل الفرسه يزيد انا جمعت شويه معلومات عن النمر الآسيوى القادم وقعدت أقارن بينها وبين بلدى العزيزه..حاجة تفرح بصراحه


:اللى مرارته ماتستحملش يعدى عالسطرين الجايين دول ويعمل نفسه مش شايف

تعتبر الصين أكبر دولة سكانا في العالم وبلغ تعداد سكانها مليارا و284 مليونا و530 الف نسمة (باستثناء منطقة هونغ كونغ الإدارية

الخاصة ومنطقة ماكاو الإدارية الخاصة ومقاطعة تايوان) ويمثل خمس اجمالي عدد سكان العالم.


تشهد الصين نموا اقتصاديا سريعا منذ قيام جمهورية الصين الشعبية عام 1949. وخاصة منذ بدء تطبيق سياسة الاصلاح والانفتاح على الخارج عام 1978، حيث ظل الاقتصاد الصينى ينمو بصورة مستقرة وسليمة، اذ بلغ معدل نموه السنوى اكثر من 9%. وفى عام 2003، بلغ اجمالى الناتج المحلى الصينى 1.4 تريليون دولار امريكى محتلا المركز السادس فى العالم بعد الولايات المتحدة واليابان والمانيا وبريطانيا وفرنسا. وحتى نهاية عام 2003، تجاوز نصيب الفرد الصينى من اجمالى الناتج المحلى للبلاد 1000 دولار امريكى.


ويبلغ عدد الدول والمناطق التى لها علاقات تجارية مع الصين أكثر من 220 دولة ومنطقة.



تقوم الصين على تطبيق سياسة الانفتاح الشامل على الخارج، والاستعداد لاجراء التبادل التجاري والتعاون الاقتصادي والفني والتبادل العلمي والثقافي على اساس المساواة والمنفعة المتبادلة مع مختلف الدول والمناطق في العالم لدفع الازدهار المشترك.


وقد وصل معدل التجارة الصينية إلى المركز السادس فى العالم عام 2001 وكانت في المركز ال32 فى عام 1978 والمركز ال15 فى عام 1989


ان الصين دولة نامية كبيرة،وهى دولة دائمة العضوية بمجلس الامن الدولى

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



واحنا كمان بلافخر دوله نايمه كبيرة اوى اوى ومجدع وعشرة على عشرة


وعلشان تعرفو ان انا بتكلم بجد ومش بهزر معاكو

انا هكون اول واحده تتعلم صينى ولله الحمد طلعت بكلمه

" نى هاو" يعنى "هاى"و"هاللو"و"بون سواغ"و"السلامو عليكو"


ياللا عاوزين المنافسه تشتعل وسمعونى اجدع سلام صينى غير قابل للكسر