Saturday, March 31, 2007

فى مدح سيد الخلق-عليه الصلاة والسلام

دى ابيات شعر كتبها جدى من حوالى 10 سنين بحالهم
فى ذكرى مولد الرسول-صلى الله عليه وسلم
دى ابيات بهديها ليكو ولجدو كمان فى عيد ميلاده اللى وافق ذكرى المولد النبوى

هو فصحى تمام ويارب يعجبكو














نور ٌ بدا فى ظلمة الأكوان فمحا
مقام الشرك والطغيان


واندك حصن الكفر حين ظهوره
وكذاك زالت دولة الأوثان


إيوان كسرى قد تصدع فوقه
وغدا خرابا ًهاوى الأركان



رهبان فارس أخمدت نيرانهم

بظهور ذاك النور فى البلدان




ً ميلاد أحمد كان فجرا ً ساطعا

وسناؤه قد عم كل مكان



ميلاد أحمد كان نورا ً للورى
يهدى القلوب بمشعل الايمان




ٍ الله ارسله بدين ٍٍ صا لح

للعالمين على مدى الأزمان



ٍٍ دين قويم آمر بفضيلة
ناه ٍٍ عن الآثام والبهتان



ً الله ارسله فكان مبشرا
للمؤمنين بجنة الرضوان




أثنى عليه الله جل جلاله
فى محكم الآيات فى القرآن



فى مولد المصطفى الهادى

أهدى إليكمو تحية العرفان



أمة خصها الإله بنور
وحباها الهدى من الاديان

26 بعبر ياشعب:

šσяšαяαα said...

بعتذرررر جدااا على اللخبطه اللي فى البوست
انا طلعت عينى ومش عارفه اظبطها اكتر من كدا
محلس المرادى

واحـــد مـــــن الـنـــاس said...

اللخبطة بسبب ان الصور محطوطة جنب الكلمات

مفروض تبقى الصور في سطور لوحدها

عشان ده من احد عيوب البلوج سبوت


لكن ولا يهمك

على فكرة
جدو ده شاعر بجد بجد

الكلمات جميلة جدا جدا

ودي من النوعية الي بحب اقراها بحد

كل سنة وانتي طيبة يا صرصارة

حبيبة الرحمن said...

الله ...انه حقا شعر جميل لشاعر أجمل وكلماته عظيمة

ربنا يخليلنا جدو ويخلهولك يا سارة علشان يفضل يكتب اشعار جميلة زى دى لازم تكررى الموضوع دة تانى ..( على كدة بقى الفن والتأليف عندكم وراثة فى العائلة) .... :)

وبالنسبة لللخبطة بتاعة البوست جمال معانى كلمات الشعر طاغية على اللخبطة وماحسناش بيها

عبدالله said...

الكلام جميل جدا واضح انك جدو متمكن من اللغه ربنا يخليهولك
اول مره اعدي علي مدونتك واضح انها جميله

تحياتي

الدبور said...

بجد
ابيات رائعه جدا جدا
تحياتي لك و لجدك
الدبور

-_- said...

كل سنة و انتى طيبة

šσяšαяαα said...

-واحد من الناس:
انا بجد ولا اللى جاهدت فى حرب المبيدات
وانا فعلا حطيت الصور لوحدها وكل مانزل الكلام
يرجع يطلع تانى.. اشتاتا شلوت
والحمدلله ان الكلمات حازت على اعجاب الجماهير

وكويس والله الحركة اللى عملتها دى
انا مبسوطه انها عجبتكو .. اصلى بصراحه يعنى
مليش فى الشعر اوى وبعيد عنك كان عندى حساسيه منه هو والتعبير..
ولو بنشخبط فيه بتكون حاجات كدا
على ادنا.
وكل سنه وانت بألف خير
ـــــــــــــــــــــــــــــــــــ

-kitty:
وانه حقا لتعليق لذيذ لكتكوته عسوله
ولو كدا بقى انا هروح اخد كل اللى جدو كاتبه
وابقى انزله بأسمى بقى(طالما جبتى سيرة الوراثه
يبقى مش هنتفقس:)
ـــــــــــــــــــــــــــــــــــ

-عبدالله:
وانه لمتمكن:)
انا مش بفهم حاجه بصراحه وبالذات لما يكون مندمج اوى وهو بيقول الشعر..
بس عقليتى صرصاريه بحته ملهاش فى كلاكيع اللغه الفصحى..

الحاجات دى ليها ناسها برضو:)

وشرفتنى وارجو تكون مش اخر زيارة
ـــــــــــــــــــــــــــــــــــ

-الدبور:
ززززززززززززززززززززززز
بجد انت اللى اروع ياكابتن دبور بس من بعيد
كفايه اللى النحل عامله فيا:)
وشكرا على مرورك
ـــــــــــــــــــــــــــــــــــ

-sharm:
وانت بألف خير وسلامه
وميغسى كتييير عالمرور:)

IBN BAHYA - إبــن بهيـــــــــــــة said...

صلى الله عليه وسلم

أبيات جميله
أرق تحياتي لك ولجدو

amkasem said...

الصورة الاخيرة دى مقام جلال الدين الرومى بقونيه فى تركيا ومنتشرة فى النت بانها لقبر الرسول صلى الله عليه وسلم
برجاء التصحيح

صوت فيروز said...

و الله انت سكر اوي , و روحك جميلة و عجبني فيكي انك بتوموتي في افلام الكرتون , انا كمان كده او ممكن تقولي عليا هربانه من فيلم كرتون هههههههه
و شكرا انك زورتي جازز علي ضروسي , بس كنت عايزه اسمعك منك موقف حصل للك عشان تجزي علي ضروسك اوي , و ربنا ما يخلع ضروسنا
اللهم اعف بنات و شباب المسلمين قولوا امين

ShAb 3AdY said...

اللهم صلى على سيدنا محمد و على آل سيدنا محمد كما صليت على سيدنا ابراهيم و على آل سيدنا ابراهيم انك حمـــيد مجـيــــد
و بارك على سيدنا محمد و على آل سيدنا محمد كما باركت على سيدنا ابراهيم و
على آل سيدنا ابراهيم انك حمــــيد مجـــيد


فداك أبى و أمى يا رسول الله

الراقـــص مع الذئـــــاب said...

كلمات جميلة ...جزا الله جدك خيرا عنها
بس لي ملاحظة بسيطة

صورة قبر الرسول المزعوم
مش دا قبر الرسول


وللمزيد من البحث اليكي هذا الموقع بالصور

http://hewar.khayma.com/showthread.php?t=49870
_________________________________


جزاكي الله خيرا اختي الكريمة

šσяšαяαα said...

نا كنت مترددة احط الصورة دى واللا لا
بس قلت مش معقول يعنى هينشرو صورة
مش حقيقيه ويزعمو انها لقبر الرسول.
دانا طلعت على نياتى اوى
بعد كدا مش هنزل حاجه غير لما اتأكد منها
وبعتذررر على جهلى بالموضوع قبل كدا
بس اهى جت بفايده اننا عرفنا حقيقة الصورة
وربنا يجزيكم كل خير على التوضيح دا
واللى عاوز يعرف اكتر عن الموضوع ياخد اللينك
اللى كاتبه الراقص مع الذئاب
وبشكره كتير هو وام قاسم على التوضيح

šσяšαяαα said...

-ibn bahya:
عليه افضل الصلاة والسلام
ومشكور اخى الكريم على مرورك
تحياتى
ــــــــــــــــــــــــــــــــــ

-amkasem:
جزاك الله خيرا
وكل عام وانت بالف خير
ـــــــــــــــــــــــــــــــــ

-صوت فيروز:
ايه دا !!! احنا على كدا كنا زومول
بس انا كنت فزنزانه تيمون وانتى؟

وماتفكرنيش بقى انا سنانى من ساعتها
بتجزززززززززززززز

واللهم امين يااختى العزيزة يصرف عنا شر
البلاوى وشر المستخبى.

نورتييينى
ـــــــــــــــــــــــــــــــــ

-shab 3ady:
اللهم لاتحرمنا من نعمة الدعاء ونعمة ذكرك وشكرك
ونعمة الصلاة على نبيك.
شكرا اخى الكرم على المرور
ـــــــــــــــــــــــــــــــــــ

-الراقص مع الذئاب:
وجزاك كل خير أخى الكريم
فعلا الرابط وضحلى امور كتير
تحياتى

šσяšαяαα said...

على فكرة انا غيرت الصورة وحطيت مكانها
صورة موجودة فى حوار الخيمه العربيه للحجرة الشريفه اللى تم دفن الرسول على الصلاة والسلام فيها.

كلبوزة لكن سمباتيك said...

اللهم صلي و سلم على محمد النبي و اله و صحبه و سلم تسليما كثيرا

قنديل said...

قول يا جدو.. ده كلامك جميل
شعر له معني ومن زمن أصيل
إشعر ومتعنا بأجمل التأويل
مع أجمل تحية من ابنك قنديل

šσяšαяαα said...

-sampateek:
عليه افضل الصلاة واتم التسليم
وشكرااا كتير اختى الحبيبه على مرورك
ــــــــــــــــــــــــــــــــ

-قنديل فى قلبى:
وانا اقول البلاعه نورت
اتارى قنديل منورنا
وبجد مش عارفه اقوللك ايه على كلامك الجميل دا
شرفتنى وتحياتى ليك

Memo said...

صلى الله عليه وسلم
كل سنة وانتي طيبة يا صرصارة

Lion king said...

ازيك يا فندم كل سنه وانت طيبه
ومنوراني دايما وكومنتاتك اللطيفة جدا على شغلى المتواضع

مهندس زراعي said...

علية الصلاة والسلام

وربنا يبارك فيك

تحياتي القلبيه لك

Shreef said...

جميلة اوي ابيات الشعر ديه بسيطة ومعبرة ..باين جدك كان موهوب في الشعر..تحياتي لجدك

šσяšαяαα said...

-memo:
عليه الصلاة والسلام
وانتى طيبه ياميمو ومنورانى دايما
ـــــــــــــــــــــــــــــــــــ

-lionking:
دا سيادتك اللى متواضع يافندم
وشغلك بقى اكتر من راااااااائع
وكل سنه وانت بألف خير
ـــــــــــــــــــــــــــــــــــ

-مهندس زراعى:
ويبارك فيك ياباشمهندس
وتحياتى ليك
ـــــــــــــــــــــــــــــــــــ

-shreef:
شكرا على كلامك الجميل دا ياشريف
وبعدين ماتقولش ان جدو كان موهوب
دا لايزال موهوب لسا.. احسن كدا يزعل:)
وتحياتى ليك

ibn nasser - ابن ناصر said...

ابيات جميله
تحياتي

david santos said...

Very, very nice. thank you
have a good day

šσяšαяαα said...

-ibn nasser:
شكرا ليك وشرفتنى

-david santos:
thanks for passing by sir
that's sweet of you
and have a good day too