الصيف هل قبل الاوان
والايس كريم ظهر وبان
وموسم التسوق اوانه حان
والموضة السنادى على كل لسان
وماللى شفته هيجيلى جنان
ومن فرستى بندغ فى اللبان
وربنا يسامح اللى قال
قول للزمان ارجع يا زمان..بفكر اعملها اغنية.. ماعلينا
ليه بقى ربنا يسامحه.. اقولكم ليه
انتو خدتوا بالكو ماللبس المعروض فى المحلات والا لوحدى اللى من كوكب اخر
البلوزة مش عارفه وشها من قفاها والبناطيل شكلهم معلقينها فى الشمس قبل العرض عشان تكرمش وتتلبس بطريقة الوقف عالسور ثم القفز للدور التحتانى للوصول للهدف اللى هو لبس البنطلون واعملو حسابكو على فريق نجدة تحسبا لكسر رقبة او تهشم فى العظام.. انا بقول بلاش البنطلون احسن
طيب ملاحظين برضو اختفاء الكم واستبداله بالبودى لحد مابقينا عاملين زى(مع خالص احترامى ليهم) عمال السقالات وهيلة هيلة صللى عالنبى
واللا الفساتين اللى عاملة زى الجلاليب البيتى والجيبات سليلة الميكرو والمينى
طيب زمان وكانو رايقين وواخدين عالكعب العالى والمخطرة
دلوقت ونظرا للمساواة ولظروف الحياة المبهجة اللى خلت البنت تشتغل وهى بتدرس كمان بقى دلوقت ماينفعش الكلام دا.. واضح ان فى مؤامرة ضدنا عشان مانخرجش مالبيت ونقضى الدراسة كمان من منازلهم
ماحنا صحيح لو رضينا نلبس لبس المهرجين دا هنبقى ماشيين فى سيرك كبير على راى يوسف وهبى مع شوية تعديلات
ياترى هما مش لاقيين خلاص تصميمات جديدة ومشيو على راى اللى بيقول من فات قديمه تاه
واللا هو عيب فى القماش والقطن المصرى انقرض وبقينا عايشين عالستان دلوقت
وقد سألنا مصدر مسئول فى هذا الموضوع..وقد صرح بالآتى:
بيقولو فى نقص فى القماش ووزارة شبر واقطع لانتاج الملابس اصدرت تصريح ان هو دا اللى موجود عندنا واللى مش عاجبه يلبس ملاية لف وبالمناسبة لو لبستوها هتبقوا كدا سبقتوا الجيل القادم عشان هى دى موضة صيف 2015
ياسلااااااااام.. شايفين الاصالة والعراقة خلاص هنرجع تانى للبرقع والملاية اللف
ومعاها شريط اغنية شويكار بتاعت يام ملاية لف اسم الله تقتل مية والف حدالله..
انا ناوية احجز نسختى قصدى ملايتى من دلوقت
للحجز والاستعلام.. 21 ش حارة الموضة .. محل دعبس ديور للملايات اللف.. الرف الاولانى على ايدك الشمال
22 بعبر ياشعب:
مساء الخير يا سارة
اتمنى اكون اول تعليق
حقيقي مدونتك و اسلوبك و كل حاجة عندك في البلاعة واحشاني
طبعا بوست جميل لان حقيقي الواحد بقى بيلف كتييييييير جدا قوي خالص لحد ما يعرف يشتري حاجة تناسب سنه هههههههه رغم اني عندي 23 سنة يعني المفروض اجلجل شعري و اهيبر لبسي و اانتخ و كده زي ما انتي عارفة بس حقيقي لاني واخد على الكلاسيك في لبسي من زمان قوي بادوووخ يا سارة و الله لحد ما الاقي حاجة مناسبة
خالص تحياتي
مجرد موجة
أحمـــــد
وكل سنة بنسمع عن موضة جديدة بتخلينا نترحم على اللي فات
ربنا يرحمنا من كل أذى يارب
تحياتي
طيب مش تكملى وكارينا اللى للحجاب وعليها بادى كت او فيست ايه يا صرصوره انتى بتشوفى حاجات وحاجات لا ولا البنتكور اللى بيلبسوه المحجبات
وحشتينى يا شيخة بقه كل الاختفاء ده علشان بتدورى على هدوم
فصلى يا بنتى و ريحى نفسك من المهرجان ده
ازيييييييييك يا قمــــــــر
وحشتينىىىىىىىىىى اووووووووووووى
تصدقى بايه
كنت هأتكلم فى نفس الموضوع لانى بجد مليت من الموضة والاختراعات الماسخة دى حتى لا مواخذة الجزم ماشى هنفصل على الرغم حتى التفصيل مش نافع
هينفع نفصل جزمة
حســـــــبنا الله ونعم الوكيل
عودا احمد
دا دلوقتى بقى فيه حاجات انيل والله
علشان تعرفوا ان احنا لينا الجنه:)
قصدى الولاد طبعا:))
انا بجد كنت نحسابها الموضة الشينة هذي بس عندنا طلعت العملية عالمية........مش عارفة وين القماش وليه القمماش السترتش المش حلو هذا.......وليش بجد كله لاصق وين الملابس الفضفاضة الحلوة الباردة في الصيف
هاتى قماش
وتعلمى الخياطة
وفصلى لنفسك
والى هذا الحين
لازم تجدوخى السبع دوخات علشان تعرفى تشترى حاجة كويسة تتلبس
نحن الرجال نعانى فما بالكم انتن
للحجز والاستعلام.. 21 ش حارة الموضة .. محل دعبس ديور للملايات اللف.. الرف الاولانى على ايدك الشمال
حبيت اضيف عنوان كمان
5 ش مكيجني مكيج مكيجني .. محل مكيجني و لغوص وشي .. الرف السبعين اللي في وشك علي طول
ههههههههههههههه
تحياتي
السلام عليكم ورحمة الله وبركاته
وحشتينى يا بنوتى
عامله ايه
وايه الغيبه دى بس
ااااااااه من اللبس اليومين دول
اجارك الله على الموضه فى بورسعيد علشان كمان اللبس مستورد هناك
انا شوفت هدوم المنيكان ملبسنهالها بالعافيه حتدخل ازاى فى انسان مش عارفه والله
انا بقه بيتحرق دمى لما أخرج علشان كده وخداها من قصرها ومقضياها فى البيت
ربنا يسترها علينا
يا رب أشوفك على خير
وعلشان خطرى ماتغبيش اوى كده تانى
أختك توكا
ازيك يابت ياتقمر انتى وحشاانى موت
انا وصلت مصر من 3 ايام
وعاوزة ارغى معاكى كتيير اوى بقى
وحشنى كلامك وهزار العسل دة بجد يابت الاية انتى
سلاام ياقمر
azaaaaaaaaaaaaaaaaaaaaaaayk
السلام عليكم
هههههههههههههه
عندك حق كله كوم والبدي اللي بيتلزق دة كوم
ربنا يهدي
اسكتي انا سمعت كمان ان فيه نقاب نزل متطرز
اهو علشان اللي بيتحجج ان ما فيش شياكة اهو فيه
صبرني يارب
ربنا يهدي المحجبة وغير المحجبة والمسلمات كلهم والمسلمين يارب
ويعفهم تحياتي
ايه الهبل ده
منذ فترة ليست بالطويله وليست ايضا بالقليله .. يعني فترة متوسطله كده
نزلت قلت يا واد اشتريلك منطلون على كام فاللـه لزوم الصيف
قوم الاقيلك اللي بيتباع ياساره ياختي .. فاللات بترتر
اي والله العظيم بترتر
ولما قلت للراجل هو الموضه السنه دي الترتر .. أجاب بأيوه
ايوه ايه الله يخرب بيوتكم .. يعني انا راجل عجوز محترم .. امشي بترتر
قلت لروحي بلاها فاللات .. نقضيها قمصان .. انا اصلا بليق في القمصان
الاقيلك القمصان محزقه وزراير فوق مابتقفلش .. اضافة الى اني عندي كرش وقور .. يعني لا زراير فوق قافله ولا تحت كمان قافله.. ولما قلت للبائع اذا كان ده اكبر مقاس .. أجاب بأيوه برضك
قلت انا مش بتاع قمصان ولا فاللات .. انا هاجبلي منطلون واقضيها من فوق طرزان ويمكن تطلع موضه
اروح اشوفلك المنطلونات .. الاقيها طالعه من بؤ كلب بلدي وبهدلها وقطعها وحاجه مرار .. اقول للباءع هو مافيش غير النوع ده .. أجاب بأيوه
قلت بس خلاص .. انا هعتزل وارتدي الحجاب واحتمال اكتب مذنكراتي
ومن هنا باطالب اي حد عنده جلابيتين تلاته .. يسلفني واحده منهم .. بس بشرط .. مايكونش فيها ترتر
ملحوظه
المشكله مش في الموضه اللي شغاله حاليا في العالم .. بدليل ان في هدوم كويسه وعاديه .. لكن المشكله في المستوردين والمصنعين .. بيفتقدو للذوق وبيفتقدو للحس الفني .. وبالتالي الشعب كللو هيلبس مقطع ومكرمش .. وبترتر
سلامووووووووووز
بقى صعب قووووووى ان بنت محجبه بجد تدخل اى محل وتلاقى حاجه تنفع تتلبس
انزلى كدا يا ساره شارع الاستاد ولو لاقيتى فى كل المحلات دى حاجه تنفع والنبى ابقى عرفينى
يبنتى زى ماقالولك ريحى دماغك وهاتى قماش وفصلى
لانك هتدوخى وهتتعقدى
واخيرا لقيتك يا ساره
المدونه بتاعتك كميله زايك يا قمر
بس التدوينهدى جايه على الجرح عندى اوى لانى كل ما اقول عايزه اجيب لبس انزل وارجع وان جالى قرف
فعلا مفيش حاجه ينفع تتلبس من اللى معروضه
كان مصر عدمت اللى بيعرفوا يصمموا
ربنا يستر علينا
تحياتى ليكى
اه يا بطوطه الاميل اللى ادتهولى طلع مضروب ضفينى انتى بقى عندك
صرصارة يا جميلة بلاعتك وحشاني موووووووووووت
والله يا صرصارة انتي شايفه ان ده بقة الغالب بس فعلا لو تعبتي شوية في اللف ورجليكي خلاص تبقي مش حاسه بيهم وحاسه انك نسيتي وحده فيهم في اي محل دخلتيه ممكن تلاقي حاجه تنفع تتلبس بس المشكلة مش في الاذواق دلوقتي المشكله في الاستعباط
محجبات ببنتكورات
والموضة العجيبة اللي طالعه جيبات قصيرة وتحتيها بنطلون بنتكور كارينا بردو وعليها البدي اللي مش عارفه دخل ازاي وفوق ده كله حجااااااااااااب
نفسي اسأل وحده من اللي لابسه كده مرة ايه لازمة القماشه اللي انتي حطاها على راسك دي تكملة شياكه ولا بتدحكي على نفسك ؟
مننكرش كمان ان في بنات في منتهى الشياكه ولبسهم كمان في منتهى الاحترام
وانا من موقعي حاجه بدعيلك تلاقي حاجه تتلبس
بصي هم الظاهر واثقين ان اي موضه عبيطه او هابله او مش مناسبه هينزلوها الستات هتشتريها يعني هتشتريها
دي بتقلد صاحبتها ودي بتقولك عجبتها
ودي مش عارف مين اللي خرب بيتها
واهو كله ماشي يعني
وبالتالي هنشوف البنطلون العبقري اللي هيتفرتك لوحده على البنات كتير واللي نزل من يجي عشر سنين والناس اعترضت عليه وكان بيعتبر من السفالات في المجتمع وقلنا شويه وهيختفي بس المصيبه انه بقى واقع مستمر لحد دلوقتي لا الأبهات منعوا بناتهم ولا الأخوات منعوا اخواتهم ولا الأمهات منعت بناتها كله بيقولك عادي زيها زي غيرها وبالتالي مبقاش في لبس يتقال عليه عيب او مش مناسب كله بقى ماشي
نتيجه لذلك عليكم يا ستات انن تتحملوا بقى اللي هيلبسوهولكم
اما عن الملايه فدي هتبقى جنان عليكم
وانا ساعتها هاشتري صديري وجلابيه ونعمل بارتي جنان
سلاااااااااااااااااااام
ازيك يا صورصارة
كل سنه وانتى طيبه
انا زعلانه منك علشان مش بتسالى عليا :(
بس ياله ياستى اكيد ليكى عذرك
بالنسبه للموضه دى الحمد لله انى مش فى مصر والحمد لله انى بلبس عبايات وبس
الله يكون فى عونكم ...احسن حل يابنتى انك تفصلى وخلاص لان كدا مفيش امل فى لبس كويس
بسم الله الرحمن الرحيم
يقوم مجموعه من المدونين وانا من ضمنهم بتكوين رابطه لانقاذ ومساعدة اطفال الشوارع
التفاصيل كلها هنا
http://awraqwasrar.blogspot.com/
يسعدنا انضمامكم
السلام عليكم ورحمة الله وبركاته
حملة كى يكونو حقا احياء
لمساعدة اطفال الشوارع ستبدا هذا الاسبوع
باقى التفاصيل هنا
http://awraqwasrar.blogspot.com/
للاشتراك يرسل الى
quloobrhema@yahoo.com
لنقم بالاتفاق على تحديد مكان وزمان
اللقاء
يسعدنا اشتراك الجميع
Post a Comment