لما بيدخل حد جديد المدونة عندى الطبيعى انى اشوف ايه مدونته هو كمان
كليك على الاسم وادخل عند البوابة اللى هى البروفيل
والاقي خير اللهم اجعله خير امم من المدونات وادخل فى متاهة مكونة من مدونة
اتنين
تلاتة
.
.
لحد.. ممممممم .. انتو اكتر مدون لقيتوه عامل مدونات كتير كان كام مدونة؟؟
ـــــــــــ
وانا مش متضايقة من الحكاية دى.. بالعكس كل انسان جواه حاجات كتير مختلفة وبيحب يعبر عنها وماينفعش يتجمعوا فى مدونة واحدة فابالتالى يغير المكان والجو.. يروح البحر.. يتمشى جنب الخضرة..يطلع فوق السحاب وجنب النجوم..وكل دا بيكون من خلال الكتابة
يعنى ينتقل من مرحلة التدوين الاصلى الى التدوين الفرعى ويمكن مدونة من اللى يكونهم جديد تكون هى الرسمية ليه
ــــــــــ
انا عن نفسى عاملة مدونتين
واحدة ابعبر عن نفسيتى بالانجليزى عشان ثقافتى يابانى طبعا:))
والتانية كانت مدونة المسابقات اللى هال عليها التراب بس صعبان عليا احذفها لاننا تعبنا فيها اوى
بس معروف على مااعتقد ان البلاعة هون هى مقرى الرسمى للتدوين والرغى
مش ملاحظين معايا ان معظم اللى بيعملوا اكتر من مدونة وتدخلو تلاقوهم فاضيين او من زمان ماتكتبش فيهم
الواحد بجد بيتوه ومش بيبقى عارف يسجل حضور فى اى مدونة منهم
انا بقترح اللى ليه مدونات كتير يوضحلنا ايه المدونة الرسمية اللى فيهم عشان يبقى سهل علينا الزيارة من غير دوخة
كمان بين قوسين عند العنوان يكون مكتوب نوع المدونة ايه هل هى ترفيهية واللا اجتماعية واللا سياسية..الخ
عشان كل اللى مهتم بحاجة معينة فى المدونات دى يبقى سهل يوصلها ويشارك فموضوعاتها
اتمنى ماكنش غلست بالاقتراحات دى ومن يوافق على الاقتراح رقم خمساشر وتمناشر يتفضل برفع المغرفة.. قصدى يده
.
.
مواااااااااااااااااااااااااااافقة.. توكلنا على الله:))
وخللو بالكو من مدوناتكو.. اعدلو بينهم عشان بيحسوا ان فيه تفضيل وبيشيلو فنفسهم
وانا من هنا مقرى الرسمى بعتذر لمدونتى العالم المسحور انى مطنشاها بس راجعالها تانى قريباااا جداااا بإذن الله
انا عارفه هتقولو ايه الجنان دا هى بتتكلم زى ماتكون المدونات دى بنى ادمين زينا
انا فعلا بحسهم كدا وبحس انى لما بسيب مدووناتى انهم مهجورينوالعنكبوت معشش فيهم وعاوزين حملة تنضيف عشان يرجعوا زى الاول
هاااااااااااااتسى.. بدأت تنضيف مدونتى التانية.. مش عارفه انا ايه كل التراب دا
.
.
سؤال الحلقة
ــــــ
ايه اكتر شهر سجلتو فيه اكبر عدد من المواضيع
ولو عندكم اكتر من مدونة.. ايه المفضلة بالنسبالكم
وتصبحوا على خير
**
هاااااااااااااااتسى..... التراب اشتغلللل
24 بعبر ياشعب:
سعادتك محسوبك الحقيقة عندي ست مدونات
بس الظاهر منهم إثنين وفيه إثنين بطلت أحدث فيها لظروف تكتيكية مش أكثر وكانوا شغالين كويس
اللي هما قطاع الأخبار ولسان حالي
وفيه واحد تبع الشغل وواحدة تبع العيال ومدرسة العلوم الشرعية دي مشتركة ومدونتي الرئيسة اللي هي معروفة طبعا
أكثر شهر نزلت فيه تدوينات كانوا 21 كلهم كتابات مفيش حاجة منقولة
وبعدين الناس قالوا لا خليها كل 3 أيام أفضل
طبعا قبل ما أكتب أي حرف في المدونة كتبت التصنيف بتاعها
إسلامية (زيادة الإيمان)- الطرائف والتناقضات -التخسيس والصحة العامة - الإدارة والتنمية البشرية
ولا زلت لم أخرج عن هذا النهج
نفسي أسألك سؤال بقى بمناسبة البرنامج المفتوح
أنتي ليه بتزهقي من القراءة بسرعة
ونسيت أقول إني نبهت إن موضوع المسابقة مش حينجح في حينه لأن طريقته كانت مش مناسبة المقارنة بين الأفكار المختلفة غالبا تكون غير متزنة
السلام عليكم
انا عندي مدونة الباحث اللي هي الاصليه
والمدونة اللي انا وانتي فيها بيست بوست
وهال عليها التراب
ومدونة الاهلي نادي القرن
ومصريات
كده خمسه
ومدونة العالمية
بتاعت شارم
سته
ومدونة مش ظاهره اسمها علي الناصية
لسه فكرتها مجاش اوانها
اكتر شهر كتبت بوستات كان 15
بمعدل كي يومين
واقل شهر كان رمضان 1 بس
ممكن اطلب اغنيه طلع الفجرر لو سمحتي؟
اعتقد انا اكتر حد عمل مدونات
اول مدونة عملتها كانت فارس احلامي
ودي متوقفة عن الاضافة فيها من فترة طويلة جدا
ولكن لانها اول ابنائي سايباها في البروفايل بتاعي
عملت في نفس الوقت مدونات مختلفة تانية
فارس احلامي كانت عبارة عن مشروع قصص قصيرة
وعملت واحدة تانية اسمها شواكيش كان فيها موضوعات سياسية
وواحدة تلاتة اسمها كراكيب وكان الغرض منها كتابة ذكريات من الطفولة وحاجات شبه كده يعني
بمرور الوقت هجرت التديون اصلا وتوقفت فترة
وبعدين رجعت للتدوين تاني فعملت مدونة جديدة خالص وسميتها أفكار مبعثرة ودي شغالة حتى الآن وهي تعتبر مدونتي الرسمية
وقمت باخفاء باقي المدونات التانية اللى مش باكتب فيها
وبعدين عملت مدونة عن التعليم
لمناقشة قضايا التعليم والطلبة
ودي اصلا من اسمها باين انها متخصصة في التعليم
وكان فيه مشروع لمدونة مشتركة خاصة بدرسو في النحو والصرف للغة العربية والمشروع توقف لكسل بعض المشاركين فأخفيتها ايضا
يعني حاليا في بروفايلي 3 مدونات
فارس احلامي
أفكار مبعثرة
التعليم تهذيب وإصلاح
اعتقد من التسميات الناس بتعرف ترد على فين
بس المترددين بشكل دائم عندي عارفين ان افكار مبعثرة هي بيتي الكبير
بس كده
مواااااااااااااافقة
طبعا موافقة و اغلبية و أي حاجة انتي عايزاها
صحيح عندك حق
انا مثلا عندي افكار مختلفة عاملها تصنيف داخل المدونة نفسها
اظن فكرة كويسة و مش صعبة و افضل من اني يكون ليا مدونتين فاضيين
صح لسانك
خالص تحياتي
:D
كان فيه حد هنا عايز بنادول
اقتراح حلو ورايق
موافقة طبعا على الاقتراح
وربنا يسهل ونشوف التغيير ده قريب
دمت بخير
عصفور المدينة:
بسم الله ماشاء الله
اللهم لاحسد بجد يااستاذنا
طيب ماكنتش تكتبهم كلهم احسن بركتهم تقل:))
وانا ملاحظة فعلا ان حضرتك بتصنف المواضيع
بس اللى قصدته هو العنوان نفسه تبع المدونة.. اللينك اللى بندوس عليها علشان ندخل المدونة
لانه فى ناس بتكتب عنوانين متشابهه مانعرفش دى عن ايه ودى عن ايه
وطبعا اجابة سؤال حضرتك وصلت:))
:::::::::::::::::::::::::::::::::::::::::::::::::::::::::::
mohand:
وعليكم السلااااااام ورحمة الله وبركاته
ماشاء الله ايه النشاط دا
خمساشر بوست.. عقبالنا كدا:))
اه اوى اوى بس تسمعها بصوتى وااللا صوت محمد فوزى؟
:)))
Bella :
زين يابيللا .. دا دليل على تعدد الافكار وتنوعها
وسعيدة جدا ان فى مشاركات وكمان بتحكولى عن مدوناتكم
دايما يارب يكون بينا اتصال وسعيدة بزيارتك
خلاويص عرفت هاجى على فين لما ازورك:))
:::::::::::::::::::::::::::::::::::::::::::::::::::::
موجة:
مظبووووط كل هذا الحكى وفعلا افضل من وجود اكتر من مدونة فاضيه
تحياتى ليييييك
عصفور المدينة:
ااااااه انااااااااا
مش عارفه شكلها كدا حد بيحبنى اوى دعى عليا
جااااالى برد امبارح.. واللا هو بنادول اللى يجيب سيرته بيجيله برد
خلاااااااص مش هجيب سيرته تااااااااانى.. انا حرمتتتتتت
اخده بس دلوقت ولما هاخف هرميه فى البلاعة:))
:::::::::::::::::::::::::::::::::::::::::::::::::::::::
صاحب المضيفة:
الحمدلله ان الاقتراح نال الموافقة
تحياتى لحضرتك ونورتنى
موافقون بس لما اعمل مدونة تانية ان شاء الله
عشان في فكرة سغنتوتة كده في دماغي
اكتر شهر كتبت فيه بوستات كان شهر مايو وكانو 5 بوستات
كسووووولة جدا
وحشاني يا صرصارة والله :)
مدونة وحيدة تكفى
وتدوينات مختلفة الاتجاهات تغنى
تحياتى
ضـوء الـقـمر:
ياسيدى عالافكار السوغنتوته
مستنيين منك قنبلة فى عالم المدونات:)
وعلى فكرة انا كمان كسولة زيك كدا
بس افتكر بوست فى الاسبوع معقول
وانتى كمان وحشاااااانى جدااا..شوفى حل بقى فى النت بتاعكو دا
:::::::::::::::::::::::::::::::::::::::::::::::::::::
الطائر الحزين:
هو دا الكلام السليييم
بس لو مواضيع مختلفة زى مدونتى العنجليزى
افتكر لو ليها مكان تانى يكون افضل
بس المهم مانتوهش فى متاهات التدوين وندور على عسكرى نسأله:)
تحياتى لحضرتك
مممممممممممممممممممم
والله ياساره يااختى
نا عامله مدونه بتتكلم عن فلسطين
بس هو بوست واحد بس
بس مش ضايفاها للبروفايل
ومش هضيفها
ومش هعمل باذن الله اكتر من كده ربنا بس يقدرنا على دى
اقتراحك حلو وموافقه كمان
دمتى ودام قلمك
بوركتى يابنوته
السلام عليكم ورحمة الله وبركاته
شوفي يا حاجه ساره
ليا 3 مدونات
الرئيسيه واللي اسمي علي اسمها ..خمسة فضفضة
والاهلي نادي القرن ودي مدونة شرك مع اكتر من واحد من اخوانا الاهلاويه العتره وعلي راسهم طبعا الاخت نرمين ومهند ودي نادر لما باكتب حاجه فيها ، ممكن اضيف فديوهات للاهداف او اضافات بسيطه علي بوستات الناس التانيه ، وبصراحه نرمين مش بتسيب حاجه
هو انت ليه مش مشتركه معانا هو الاخت مش اهلاويه برضو
اما آخر اولادي هي مدونة علي طول الحياه ، ودي عملتها علشان الم حكاياتي في الصيدليه مع بعض علشان مايتوهوش في وسط البوستات العادية
وان شاء الله مقرره ان الكتابه فيها مش هاتبقي بانتظام يعني كل فتره انزل بوست يعني ممكن يبقي اتنين في الشهر مثلا
اكتر شهر كتبت فيه كان اول شهر بدات تدوين شهر مارس 2007 وكانوا 19 بوست وبعد كده النسبه بقت تقل لعدة اسباب طبعا الاول كان فيه حماس كبير وبعدين الواحد بدأ ينشغل وكمان بدأ يدقق في انواع المواضيع اللي بيكتبها
اقل شهر كان شهر سبتميبر وكان موضوع واحد بس تهنئة برمضان اللي انقطعت فيه عن التدوين
بس كده و ايوتها سؤالات تانيه احنا في الخدمة
سلام
ايه العسل ده يا بنتي ؟؟؟؟
بجد والله العظيم زي العسل
انا عندي مدونة ايفوريا اللي هي مدونتي اللي ليل نهار فيها
و مدونة مع العقل وحده
دي مدونة انا نفسي اكتب فيها حاجة بجد
لكن خايفة جدا
-----------------------
كل سنة وانتي طيبة
:)))
بصي
انا بحاول اقرا كل بوستاتك
لكن مش لاحقة الصراحة
بجد تحفة كلها
خاصة موضوع جوازالصالونات ده
انا هاعلق عليه بس مش دلوقتي
---------------------------:))
اولا انا بيعجبنى جدا طريقة القائك بتعبرى بطريقة سهلة وبسيطة وده كان ممكن يخليكى صحفية ناجحة :)
ثانيا انا عندى مدونة واحدة واعتقد بالنسبالى مدونة واحدة تكفى وهى سياسية معارضة بحتة
وثالثا تحياتى ليكى :)
ازيك يا جميلة
بالنسبة لسؤاللك فانا شوفت واحد عنده10 مدونات
و انا كان عندي تلاتة بس دلوقتي عندي واحدة بس
تحياتي
انا عندى مدونه واحده
ومش قادره ادفع ايجارها
المدونات غليت قوى
عاشقه الفردوس:
ربنا يقدرك يابنوتة
ودايما منورانا كدا بتعليقاتك يابنوتة
وسعيدة ان اقتراحى عجبك
يابنوتة
انتى جبتى بنوتة دى منين؟:)
الواحد مش واخد عالدلع ياجماعة:))
اه نسيت
بوركتى يابنوتة:))
:::::::::::::::::::::::::::::::::::::::::::
خمسة فضفضة:
وعليكم السلااااام ورحمة الله وبركاته
الله يكرمك يافضفوضة كدا تمام وكل الانشطة اتسجلت فى الدفتر:))
والاهلاوية مش محتاجين صرصارة معاهم..كفاية انتو ماشاء الله بجد قايمين بالواجب
سلاااااااااام فضفوضتى
MerMaid:
الله يعسلك..اخجلتم تواضعنا
حلو اسم ايفوريا دا.. مش اسم بيرفيوم برضو؟
بس خايفة ليه تكتبى فى المدونة التانية
بعبرى يابنتى وحتى لو ليكى لوحدك..الكبت مش حلو:)
ونورتينى بجد واتمنى تييجى تااانى
وكل سنة وانتى بألف خير
::::::::::::::::::::::::::::::::::::::::::::::::::
طــــــــائر الحــــــــرية:
اولا
متشكرة على الكلام الجميل دا
بس فعلا فى ناس انا ماجيش جنبهم حاجة اساسا
يعنى اللى زيهم كدا المفروض يبقو رؤساء تحرير:))
ثانيا
وطالما مدونة تكفيك يبقى فعلا افضل من تشتيت الافكار وتوهانا لما نيجى نشوف ايه المواضيع الجديدة
ثالثا
وتحياتى لحضرتك ونورتنى
عروس البحر:
اهلين عروستى كيفك انتى
وعشر مدونات دول بيجيبلهم اكل ومصاريف ولبس امتى:))
الله يقويه
وتحياتى ليكى
::::::::::::::::::::::::::::::::::::::::::::::::::::::
فرنسا هانم:
طبعا يافندم مدونتك غنية عن التعريف
وفعلا بحس انها بحرى.. اللى عالنيل على طول ايجارها بيبقى فى السما
اكيد بتقضيها لب سوبر بعد ماتدفعى الايجار:))
تحياتى ليكى
الواحد مش ملاحق على مدونة واحدة, مش عارف الناس اللى عملة خمسة دول بيلاقو وقت منين ولا هو أبو بلاش كتر منه؟
hurricane_x:
فعلا ابو بلاش كتر منه
والكلام مش بفلوس
واذا كان السكوت من ذهب فالتدوين من غير فلوس خالص وخللو عنكو:))
Post a Comment