دا مسلسل مصرى أصيل..والوحيد اللى غلب المسلسلات التركية فى عدد حلقاته
فحلقاته تتعدى الكام ألف سنة...من ساعت مابدأ العقل المصرى - والعربى ككل - فى الاضمحلال والتقوقع والتركيز على امور بذاتها
أمور أمور يعنى حاجات جامدة مالعيار التقيييييل
وناخد مثال حى مباشر من أرض الملعب
اتنين وعشرين بنى آدم بيجروا ورا كورة ابيض ف اسود..لأ بس بيلونوها ساعات عشان مانظلمش الناس برضو
ودا حقهم ياجماعة..هى شغلانتهم وأكل عيشهم كدا..يرموا الكورة ويجروا وراها
واللى يجيب جون ياخد تكييف وعلبة شوكولاته جلاكسى وشقة اربع أوض وصالة وملعب صغير عالروف
طيب هى دى شغلانتهم..ولازم يكون فى ناس بتتفرج..وماله ماهو قطع العيش مر
انما الناس مابقتش تتفرج وبس..دى بقت بتعادى بعضها بسبب الكورة..واحتمال تقوم حرب عربية قومية بسبب الكورة..والراجل بيطلق مراته بسبب الكورة..ويولع ف محل جاره بسبب الكورة..ويرمى ابنه مالشباك بسبب الكورة(ممم وسعت دى شوية)...ويجيله ضغط وسكته ويموت برضو مالكورة..ويحطو على قبره كورتين حراسة عشان اللى بيسرقوا الاعضاء
يقولك الكورة هى ملاذنا الوحيد مالمصايب اللى فوق نافوخنا..مانتو تنضفوا الدماغ دى الاول عشان تعرفوا تعالجوا مصايبكم
ويمشوا بمثل..معاهم معاهم عليهم عليهم..يكسبوا الماتش يولعوا الدنيا ويبقى عيد قومى ويبقى اللعيبة ابطال حرب
وهاتك يامدح وأغاااااااانى وزمامييير ومصر هى امى
ويخسروا الماتش برضو يولعوا الدنيا بس يبقى ميتم قومى ويبقى اللعيبة مجرمين حرب
وهاتك ياشتايم وفضايح فيهم ولسانهم شغال زى لامؤاخذة الطور فى الساقية
مش عارفة بصراحة مين اللى بيضحك على مين...واللا هو خلاص بقى طبع عندنا بنييجى فى الهايفة ونتصدر ونصدرها كمان..بس مافتكرش حد هايستوردها
مع احترامى لاى رياضة..على عينى وراسى..بس مش كدا ياجماعة
عندنا مواضيع وقضايا ومشكلات متلتلة على قلبنا وشيلها يهد الحيل عاوزين نتجمع ونشوفلها حل
واللا خلاص نفسنا انقطع ومش بيشتغل غير عالكورة ولعب البلية
انا لم اشاهد الماتش ولم ارى الاهداف..ويااااأسفى فقد اضعت فرصة عمرى لأرى النصر بعينى وأسجد شكرا لله على استرداد كرامتنا وعزتنا وارضنا..لامؤاخذة شكلى سرحت فى الكلام
وبيقولك فى التلافزيون..مصر ذكر اسمها فى القرآن
هو سيدنا يوسف لما قال لأهله ادخلوها بسلام..كان ساعتها فى ماتش كورة ومانعين دخول الناس الملعب واللا ايه مش فاهمة لامؤاخذة
ربنااااااااا قال ادخلوها بسلام..ارض سلام وخير وبركة..ارض ناسها بيعرفوا يدافعوا عن الحق ومايسكتوش على ذل ولا على باطل
جنودها خير جنود الارض..مش فى الكورة ياسادة..فى الدفاع عن الارض والعرض ورد الكرامة اللى اتبعزقت
انا هاروح انام مش عارفة واجعة دماغى ليه..ادينى بهاتى فبلاعتى والارزاق على الله
خدوا الماشز دى وصلتنى..كلها حكم الصراحة
شوف بيقولك ايه:
شنخبت السفاتر لتوعكم..فصارت تقعنش فى طنيس الزلحبص
(صارت: أى أصبحت)
وتصبحوا على خير
5 بعبر ياشعب:
طول عمر مواضيعك جميلة ياصرصااارة
بس المرة دي أسلوبك إختلف عن كل موضوع كتبتيه في المدونة دي
وشكرا ع الماشز
: )))
شعب مصر في كارثه حقيقية
صراع فى النيل.. .غالبية طعام المصريين الذي يتضمن الكراث والجرجير والبقدونس واللفت والكرمب والخيار والقثاء وغيرها من الأطعمة التقليدية يحتوي الآن على نسب عالية من بكتيريا القولون البرازية والعديد غيرها من البكتيريا والطفيليات التي تسبب أمراضا قاتلة على رأسها السرطان والفشل الكلوي علاوة على إصابة الأطفال بالقصور الذهني ونقص النمو.
المزيد من التفاصيل ضمن مقالات ثقافة الهزيمة بالرابط التالى:
www.ouregypt.us
انا زعلااااااااااااان منك جدا
اعرف انك رجعتى من مقتطف للتدوينة دى على
CNN
:D
انا مش بهذر مكنش العشم يا ساساة
ربنا سبحانة وتعالى خلق كل شىء بقدر
لازم احنا كمان نعطى كل حاجة قدرها
=========
شنخبت السفاتر لتوعكم..فصارت تقعنش فى طنيس الزلحبص
ده شعر امرؤ القيس لما وقع مع على الحصان
مفر مكر مقدل مقبمم عما كملجود حيل اسطة العيل من سل
منورين ياجماعة والله
ان شاء الله هارد على تعليقاتكم بس اليومين دول الحال مكركب شوية
لى عودة ان شاء الله
Post a Comment