العواف عليكو يااهل مصر الكرام
خلليكو زى مانتو محدش يقوم..هو انا غريبة برضو
خللو المتنبل متنبل واللى هيولع فنفسه ياريت لتر جاز معاه ولو انه دلوقت نادر لتصديره لاخوانا البعدا ..واللى سرحان فى الكابتن كوم امبو ربنا يوفقه ويلاقى لغز ورك النملة المفقود
بصوا بقى ياخوانا... احنا طبعا شايطين من سرئولة واللى بتعمله فينا
وانا طبعا من كتر لخبطة الكلام اللى عمالة بسمعه وبشوفه كل شوية جالى هسهس وصواميل دماغى فكت
وفكرت دلوقت فبدأ تنفيذ حركة انتحار جماعية لدفس الراس العربية فى الرمال
واهو لو مانقطعش نفسهم يبقوا عالاقل اخدو تان مالشمس
كنت من شوية عالهاتف مع الاخت المبجلة عاشقة الفردوس ابو العافية من قطاع الاخبار المنزلية وقعدنا نرغى
بتقولى: لسا قافلين المعبر والقوافل والدكاترة المصريين والاجانب اتخشبوا مالوقفة ومش عارفين يدخلوا القطاع
قلتلها قطيعة ياختى تقطع ولاد الحرام اللى خربوا البلد ووكسونا وخلو راسنا اد الرملاية
واللا البيج راس لما قال الحتة دى بتاعت سرئولة وومش هندخل ولاهنخرج حاجة غير لما نقولهم
ياشيخ روح اسند طولك الاول واللا خدلك حبوب تقوية لعضلات لسانك اللى اتفكت دى
افتكرت وانا بكلمها دكتور عندنا فى الجامعة لما كنا شوباب بقى ودمنا حامى وعاوزين يفتحولنا الحدود عشان نروح نحارب
(ماهى دى مش اول مجزرة تتعمل ودمنا يغلى فيها.. بس عادى بيرجع يبرد تانى)
المهم قاللنا هو انتو فاكرين يعنى لما يفتحولكم الحدود وتلاقوا الرصاص والقنابل زى المطرة هتعملو ايه
اخرتكم هتجروا زى الكتاكيت وكل واحد فيكم يقول انا عاوز اروح عند امى
مانتو ماشفتوش الحرب شكلها ايه.. ماشفتوش ازاى يموت زميلك اللى جنبك وتمشى طول الطريق شايل جثته
قالتلى: فعلا الاطفال فى فلسطين اشجع من الف راجل عندنا
وهو صحيح فين الرجالة اللى عندنا اللى بيعيطوا عشان مهند ونور ام لمبة سهارى
واللا فين الستات اللى كل همها انها تخلف اولاد وتعدهم انهم يكونوا شهداء زى الست الفلسطينية اللى كان كل همها دا
ولما اولادها كلهم استشهدوا هى اللى بقت ماسكة السلاح
قلتلها انا كنت ف رفح من كاااااااام سنة والحال هناك كرب
اهمال غير عادى
الناس اللى عالحدود حالتهم صعب
العلم المصرى متقطع ميت حته
واللا لما رحت شرم.. ارض الفساد زى مابقول عليها
العربيات معظمها ارقام عبرى.. حسبى الله ونعم الوكيل
يعنى العالم دى تروح وتيجى ونبوس الايادى كمان
امال رجعنا طابا ليه
واللا رجعنا سينا ليه اساسا
طالما هما كدا كدا راجعين ليهم تانى
مصر كلها راجعة ليهم تانى
على رأى عاشقة الفردوس لما قالت انه مخطط قدييييم ومكتوب دولتهم مالنيل للفرات
جم ياخدوا النيل
اتردموا فيه
جم ياخدوا الفرات
الحمدلله بفضل القرد ابو شوز خدوه
جم ياخدو مصر تانى
مممممممممم.. طيب فى حتة قماشة متر فمتر خامة غزاوى نفرتكها الاول ونولع فيها وبعدين نروح مصر
وبصراحة انا مش لاقية وقت اسهل من دا انهم يشرفونا فيه
وبالذات ان الركن السيناوى كله مش طايق البلد .. وعندهم حق هو فى حد بيعبرهم واللا بيعبر الاقاليم كلها اساسا
هما اللى عايشين فيهم بتوع المخدرات والسلاح والذى منه.. بس سرئولة تدى اشارة الاقتحام
هتلاقيهم بيهللو ويزغرطو وانتو فينكم من زماااان..ايييييييييه فين ايام النضافة والنظام والجمال والفخامة والرواقة.. يامرحبا يامرحبا
الحمدلله ماتأخرتوش علينا كتير
مع الاعتذار للسيناوية واللى احب عندى من المنايفة كلهم.. بس للاسف اللامبالاة اللى ميعشين الناس دى فيها تخللينى اتوقع انهم ممكن يعملو كدا
المهم ماطولش عليكو ولا على نفسى
البلد دى لو فضلت كدا.. وواضح اوى انها هتفضل كدا
يبقى علينا السلام
انا معنديش حاجة زيادة اقولها عن اللى بيحصل فغزة لان المدونين الحمدلله قايمين بالواجب
ربنا يجازيهم كل خير
واحب اذكر بعض منهم عشان اللى حابب يشوف اللى بيكتبوه
رئيس جمهورية نفسه.. حمدلله عالسلامة
ودا بوست كتبه مهندس مصرى
بوست رائع وشكله تعب اوى فيه ربنا يكرمه هو وكل اللى بيحاولو يوصلو كلمة حق
وانا بالنسبالى حبيت اشارككم السيناريو القادم
صحيح.. عاشقة الفردوس بتقترح حملة لرعب السرئوليين
cam frog على غرف الشات.. بال توك.. سكايبى.. الضفدعة كام..قصدى
اللى مشترك عليهم او اى غرف شات يدخل باسماء يهودية ويشوف الغرف بتاعتهم ويبعت كلام يخوفهم زى مثلا ان فى واحد هيفجر نفسه..اى افتكاسات مرعبة يعنى
انا حبيت اوصل اللى هى قالته لانها امنتنى انى اوصله.. مش عارفه الفكرة دى ناجحة واللا ايه
وكله على الله
وانا مستنية الفرج.. لما السرئوليين يهلو ابقوا صحونى
صورة وصلتنى ولاتعليق
13 بعبر ياشعب:
صورصارة يا حبيبتى انا مش شوفت عبرى على العربيات فى شرم اممممممممم لما رحت يمكن فى طابا انما شرم كان كلها جمارك لووووووول كانت عربيات جامده ما علينا مش مهم
المهم لسه كنت بكلم قوس قزح فى ده فيه حناجر على الفاضى يا حبيبتى وهبقى اعمل بوست صادم واكع اليم مش فاهمه يعنى ايه بس هو كده بقى
انا كمان نفسى يحتلوا سينا تانى
علشان نحس باهل غزة شويه
الصورة روعه بجد
ربنا ينصرهم ويحهميهم اللهم امين
كل واحد عامل ناصح
وواخد باله كويس أووي
وفي الاخر إحنا اللي هنروح في داهية
وإذا موقفناش وقفة جد شوية
يبقى ربنا يتولانا برحمة
ويجي الدور نشوف الناس بتتفرج علينا
في الفضائيات وتمصمص شفايفها
صورصارة..خشي عند ابي أو زيكا أو عندي وشوفي موضع الإيميلات ده لانه أفيد من أي كلام في الوقت الحالي
تحياتي لكي
شكرأ على الإعلان
:)
و ربنا ينصر المقاومة
تعرفي يا ساره فعلا من العرب كلهم محدش يفرح غير اطفال فلسطين
الواحد منهم بميه راجل عندنا
طبعا غير الريس اللي طالع يقول ياجماعه دي بلد محتله
وكلامنا مع المحتل
اقنعني بصراحه
وعباس اللي باعها رخيص
والاسد اللي بيتكلم وبس
حاجه تفلق
~*§¦§ Appy §¦§*~:
انا اقصد يابيبو انهم كتير فى الاماكن دى زى الفران والجراد والحشرات الضالة:)
وبعدين حتى لو الارقام جمارك بيحطو لوح العربية الاصلية جواها.. يعنى اتغاظوا واتفرسو وطقوا.. حاجة تطهق ياشيخة
وماشى يامعلمى مستنيين البوست الواكع الاليم
سلاماات يابيبو
رفقة عمر:
يعنى يارفقتى مش يحتلوها اوى يعنى:)
اهو الواحد بيبعبع وخلاص نعمل ايه
وربنا عالظالم والمفترى
قااااااادر ياكريييييم
: !!! عارفة ... مش عارف ليه
ربنا يستر علينا والله
ونبطل بقى الفذلكة اللى موديانا فداهية دى
وان شاء الله لو اتعدلنا محدش هايشمت فينا
قولو اااميييين
micheal:
كابتن ميكو انا عارفة موضوع الايميلات بس محبتش اتكلم عنه لانه اللى بيدخل عندى بيدخل عند الكل
عشان كدا حطيت روابط المدونات اللى بتتكلم عن المواضيع دى.. هما اتكلموا ونشروا حاجات احسن منى
شكرا عالمرور والاهتمام:)
مهندس مصري:
العفو دا واجبنا
وربنا يسمع منك يااااااااارب
حصان بري:
فعلا والله.. اطفال وشباب يرفعوا الراس
ربنا يبارك فيهم وينصرهم
ومعلش كل الروس الكبيرة دى ملهاش لازمة وعاوزة تتقطف بقى دا الموسم بتاعها عدى من قرن
ربنا يتولانا برحمته
الإبداع الحقيقي حري ٌبالتعبير عن ذاته ، والفكر الإنساني لم يخلق ليختنق في ظلام الصدور، والمبدع الحقيقي يمتلك دوماً الحق المطلق في أن تجد أعماله طريقها للنور باعتبارها خلاصة تجربة إنسانية كاملة تستحق النشر .
من هذا المنطلق تعمل دار رواية للنشر الإلكتروني على إفراد مساحة كاملة للنشر لكافة مبدعي الشبكة العنكبوتية بإعتبارها الخطوة الأولي نحو النشر الورقي، وفي سبيل الحلم في أن يصل إنتاجك للجميع تتعهد الدار خدمة النشر الإلكتروني على موقعنا أولاً بصورة تليق بالأعمال مع توفير الدعاية اللازمة والمناسبة له على الشبكة على كافة المستويات ثم تقديم ما يصلح منها لدور النشر المختلفة شرط أن يكون حجم هذه الأعمال صالحاً للنشر الورقي .
بدايتنا هي الحلم المشترك ودافعنا للاستمرار هو الأعمال المميزة من أجل أن نحقق معاً توازناً للنشر الإلكتروني والورقي ... الجديد عندنا هو اختيار أفضل عمل سنوي يصل إلينا كل عام من خلال لجنة تنعقد لذلك وتعتمد في اختيارها في الأساس على استقراء القبول الذي لاقاه العمل المختار لنشره بصفة سنوية في معرض الكتاب مع التزام الدار بتكليف نشره وعمل الدعاية اللازمة له كاملة و بصورة مرضية لصاحبه .
يبقى أن ننوه أننا لن نخضع لشروط النشر المعتاد وتعسف دور النشر التقليدية و يكفي فقط أن يمثل عملك تياراً أدبياً ناضجاً سواء أكان العمل في صورة رواية أو ديوان شعر أو مجموعة قصصية .
موقعنا ( http://rewaya.tk )
إيميلاتنا
rewaya12@hotmail.com
rewaya12@yahoo.com
Post a Comment