مساء الخير أعزائى المشاهدين...إليكم آخر الأنباء المنقلة من بلاعة صرصارة
لقد إحتفلت صرصورة ببلوغها سن التقاعد من الكوليدج أول أمس فى حفل مهيب حضره رئيس الجامعة ولفيف من الأساتذه فضلا عن البيج بوص عميد الكوليدج
هذا هو الموجز ونوافيكم بالأنباء بالتفاصيل المملة جدا جدا
ياهلا بالغاليين..معاكم صرصارة سخصيا هتحكيلكو عن اليوم التريخى دا
اولا حفلة تخرجى يعنى اليوم اللى كل واحد بيستناه..
اولا حفلة تخرجى يعنى اليوم اللى كل واحد بيستناه..
يعنى هقابل أصحابى اللى وحشونى جداااا
...يعنى هلبس الروب الاسمريكا واتمشى بيه فى المكان بقى ومحدش أدى
يعنى هتصور مع العمدة ودكاترتى العساسيل ودفعتى الكميلة
لكنننننن..كل شىء راااح راااح وانقضااااا..اولا الدعوة لاتنين بس ييجو معاك..قلنا مااااشى وماله الكتاكيت حلو برضو
رحنا الكليه انا وماما واخويا كان مستنينا هناك جريت عشان اروح استلم الروب..لقيتلكو كوم أرواب على الارض وزى اللى خارجة من بق أسد وياللا كله يعبى ويشيل ...مااااشى عديتها دى..جريت على قاعه الاحتفالات وعلى ماوصلنا لقينا الباب اتقفل وأمة لا اله الا الله واقفه والكل عمال يخبط ويزعق..ياخوانا احنا معانا الدعاوى اهى مش عاوزين تدخلونا ليييه,,,يطلعلنا واحد شكله كدا ابن عشماوى ويقولنا العميد مش هيدخل حد..انتو ايه اللى جابكو متأخرين دا على اساس الانضباط اللى عايشين فيه من ساعت مادخلنا الكليه..دا حتى الحفله اللى فاتت انا كنت من المنظمين فيها واتلطعنا ساعتين على ماتكرمو وبدأو الحفله..انما من بختنا المرادى ان سيادة الريس وراه اجتماع ومش فاضيلنا غير نص ساعه فبدأو الحفله مخصوص عشان خاطر عيون جنابه واحنا بقى نولع بببيروسول ..اقوله طيب من فضلك احنا معانا الدعاوى واحنا اصحاب الحفلة ازاى ماندخلش
وبعدين اهلينا اللى معانا دول هيفضلو واقفين ومتبهدلين كدا ..طيب احنا واخدين على المرمطه من ساعت مادخلناكى ياجامعه انما اهلينا ذنبهم ايه... بعدها يقوللى الاوامر كدا وانا مفيش بإيدى حاجه..عاوزين تدخلو روحو الباب التانى...نروح الباب التانى نلاقيه مقفول برضو..زى مانكون عيال صغيرة ادامهم بيستهزئو بينا...واللا اللى يحرق الدم بقى ان تلات تربع اللى جوا مالهمش دعوة بالخريجيين وكلهم عيال لسا بتدرس دخلو ازاى واللا ايه اللى جابهم انا معرفشششش..حتى واحده كانت واقفه جنبى واحنا بنعافر عشان ندخل ومنظرها مايديش سنه اولى اساسا..بقولها وحضرتك بقى خريجه معانا..تبصى باسبهلال كدا وماتردش... قلتلها ماهو واضح ان نص اللى جوا بالمنظر دا...واللا الشباب اللى متكومين ادام الباب..ولا اللى واقفين ادام الجمعيه..والكل عمال يستظرف .. والواحد خلاص مبقاش لاقى اوكسجين ياخد نفسه
وواحد من الظرفاء جدا الحقيقه بيقول لماما...دخلينا معاكى وقوليله انهم ولادى..احنا كلنا النهاردة ولادك.. وربنا يخلليكى للغلابه
!!!والكل خلاص جاب أخر اخره..ماما قالت لعشماوى اللى واقف..معقوله يعنى يصح اننا نقف كدا والولاد عمالين يزاحمو فينا...
راح موسعلها ودخلت هى ومامت صاحبتى.. بعدها الباب اترزع تانى فوشنا..وانا وصاحبتى لسا واقفين بره
ههههههههههههههه...كان موقف بصراحه..طيب هما دخلو يحضروا حفلة تخرج مين بقى لما ولادهم لسا واقفين منبوذين بره طيب الحمدلله انهم دخلو..مش مهم احنا بقى..نضحى عشان الجنين يعيش:)))))...وبعد ماطلعت روحنا طلعتلنا معيدة كتر خيرها يارب دخلتنا بس قعدنا فمكان مختلف عن المكان اللى فيه الخرجيينطيب مش مهم المهم اننا وصلنا لارض الوطن بسلام بعدها بقى كل واحد يطلع يقوله كلمة ويقعد فيها ساعتين...
واهم فقرة اللى هى تكريم الخريجيين... مشوهم عالمسرح زى اللى بيوزع فراخ..حتى الشهادات اللى انضف من ورق اللحمه شوية ماسلموهاش وقالو ابقو استلموها وانتو بتسلمو الروب..وعاوزة اقلكم ان اللى طلع عالمسرح هم العشرين الاوائل بس.. ولو حد منهم ماكانش وصل لسا يطلعو واحد يسلم على العميد بداله...تزوير فى اوراق رسميه..وكل دا حفاظا على الشكل العام
بس اعرف هو كان فين الشكل دا اساساااا؟؟؟
ولو كان فى نظام اكتر من كدا كان ممكن كل اللى بيتكرمو يطلعو بس عادى جدا...لو فى نظام يبقى فى حاجه غلط..واللا رحنا كوكب تانى واحنا مش واخدين بالنا
بعدها بقى فقرات الحفله ابتدت وكانت لذيذه جداااااا بصراحه وكلنا
انبسطنا واتصورنا وهيصنا وسلمنا على بعضينا..كانو واحشنى اوييييييييواللا صحيح لما الريس بتاعنا مشى ..كتر خيره قعد ساعه بحالها مش نص بس...دا طلع كريم اوى ..هو بقى مشى من هنا ... وعينكو ماتشوف الا النور.. الابواب اتفتحت واللى عاوز يدخل يدخل واللى عاوز يرقص يرقص بصراحه شبابنا كلهم مواهب.. البنات تروح فين منهم بس.. لابجد كانو ناقصهم بدل رقص ويبقو ولا نعيمة شخلع
عمدتنا بقى كان منشكح جدا ... ماهو اليوم يومنا بقى ونعمل اللى نفسنا فيه..بس بصراحه ماحدش
مناا عمل حاجه.. البشر اللى حضرو الحفله ومالهمش علاقة بيها اساسا هما اللى قاموا بالواجب
بس بجد افهم انا ازاى كان فى الاول زعيق وقلة ذوق مفيش بعد كدا .. ولما رئيس الجامعه مشى بقى سوق جوا القاعه اللى عاوز يدخل
واللى عاوز يخرج واللا مايشترى يتفرجوقال ايه اتنين بس اللى يحضرو..دا كل واحده واللا واحد جايبين معاهم العيله كلها....الله عليكى
يامصر وانتى منورة بالنصر
واختتمو الحفله طبعا بالنشيه الوطنى بلادى بلادى لكى مرارتى و الشباك اللى فاضل فى نافوخى
بصراحه كانت حفلة تخرج مش هتحصل ولا عاوزة يحصل زيها تانى...انا كان ايه اللى ودانى مش عارفه
وعمار يامصر.. وتعيش جامعتى حرة مستقله
37 بعبر ياشعب:
السلام عليكم
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
عمار يا مصر
بصراحه وصفك للحفله مالوش حل
حسيت ان انا وسطكم
ولا الولا بتاع كلنا ولادك يا حجه
هههههههههههههههههههههههههه
المهم الشهاده بتاعت ورق اللحمه يا ريت تنزليها سكنر وتشرفبنا برؤيتها
تحياتي يا صرصورة المجتمع المصري
مهند المصري
السلام عليكم ورحمة الله وبركاته
صرصاره حمد الله علي السلامه
اتاريك مستخبيه عننا ، ايوه يا عم المتخرج
وايه يابنتي الحفله الروعه دي
دي ولا سوق التلات
يلا كل حفلة تخرج وانت طيبه
الا الدفعه بتاعك كام واحد ...؟؟؟؟
الف مبروك
و عاشت الجامعة حرة مستقلة و اهلا بالبطالة المطلة
ىهىهىهى القفية حكمت
تحياتى
هههههه
فكرتينى بحفلة تخرجى كانت من اسبوعين
نفس اللى حصلك طبق الاصل
بس اسلوبك تحفة يا صرصارة
متقلقيش خاااااااااااالص يا صرصارة مش هاتخرجي لرصيف أو بلاعة البطالة ... أنا شايف إنك عندك مقدرة جامدة جداً على أن تطلعي بافيهات مبتكرة ... السينما وطريق المجد أمامك ههههههههههه
امممممممم
شكلك مش من العشرين الاوائل
مكنش ظنى فيكى ابدن ابدن
بس ايه ده يابنتى؟
دى قلتها احسن .. او تلاقيهم حابين يثبتولك ان مش من السهل الخروج من الكليه
مبروح التخرج والانضام الى صفوف العاطلين
ههههههه يانهاااار
دي جامعه اية دي
جامعه كفر البطيخ ؟؟؟
اة سوري نسيت
مبــــــــروك التـــــــــــــخرج
ليكي و لماعلينا كمان
و عقبال الخرجه الكبيرة يا رب
تحياتـــــــــــي
ها صورصارة
( و الله الواحد محرج و هو بيقولها )
معلش يا بنتى
ماهى البهدله ديه ورانا ورانا
انا متخرجه من 4 سنين و ايامى فى الكليه بنت الفقريه ديه كلها كانت بهدله
يا حبيبتى بلاش نغمه البطاله و البطيخه ده
خلى عندك ثقه فى قدرة ربنا و رزقه
الف الف مبروك يا صرصارة
بس ياترى هاتلاقي مكان جنبنا ع الرصيف؟
أصل الرصيف بتاعنا زحمة قوي
الف مبروووووك وعقبال ما تتخرجي {تخرجي} من طابور البطالة
ههههههههههههههههههههههههههههههههههههه
بصرف النظر عن كل البهدله دي وان ده الطبيعي جدا في بلدناوان مكنش المفروض تتصدمي
الف مبروك يا صرصارة التخرج
عقبال الداكطوراه ههههه
فتحتي عيني عشان ان شاء الله مش هحضر حفلة التخرج بتعتي
مبروك عالتخرج
ونصيحتي ليكي متقتعيش علاقتك بالجامعه
حاولي تكملي دراسه
العلم مهما كانت مشاكله اكتر حاجه بتححس الإنسان انه لسه انسان
ودي نصيحة مجرب
مخسرة ..
تحفة
جداً
موت
لولا خفة دمك كان جالي شلل رباعي
يلا عدت علي خير وهيا مرة ومش هتتكرر تاني
سلام عليكم بقي ومش عقبال ولادك
-mohandat:
وعليكم السلااااام ورحمة الله
ايه يابنى كل الضحك دا اجيبلك انبوبه اكسجين:)
وبعدين ماهو هذا هو المطلوب انه الكل يحس كأنه معايا
وبيشاركنى فرستى.. انا نقلت ليكم بث حى لكن مش مباشر:)
وبعدين عيب عليك يعنى انزلك شهادتى يعجبك النيولوك بتاع
ورقة اللحمه وتاخده... لااااا ياباااااباااااا لااااا
انا هحتفظ بالتصميم الروعة دا لنفسى:p
كفاية مرارتى انا:)))
تحياتى يامهند المجتمع المصرى
::::::::::::::::::::::::::::::::::::::::::::::::::::::::::
-خمسة فضفضة:
وعليكم السلااااام ورحمة الله وبركاته
الله يسلمك يافضفوضتى
اماااااال لازم حفلتى تكون على اعلى مستوى
مش شايفه البرج اللى بنيته عشان توصلولها:))
ودفعتى ياستى بلا فخر ....................................
حلوين دول واللا ازود؟؟:))))))
::::::::::::::::::::::::::::::::::::::::::::::::::::::::::
-ahmed_h:
الله يبارك فيك يافندم
وياهلا يامرحبه نوركو غطى عالمصطبه
القافيه حكمت هنا برضو:))
تحياتى
:::::::::::::::::::::::::::::::::::::::::::::::::::::::::
-ma-3lina:
احمدك ياااااااااااااارب
مش انا لوحدى.. ايون كدا عاوزة تضامن مفروسى
ومشاركات وجدانية:)))
مشكرين يازميلة على مجاملتك الرقيقه:))
::::::::::::::::::::::::::::::::::::::::::::::::::::::::
-aladdin:
بتتكلممممم بجدددددد
يعنى اروح اقدم نفسى لمعهد المفتكسين فى الارض؟؟
روح ياشيخ ربنا يعمر بيتك:))
::::::::::::::::::::::::::::::::::::::::::::::::::::::
-عالمى أزرق:
ايه داااااااااا
انتى بتهينينى ياأمى
قال عشرين اوائل قااااال
وبعدين هو دخول الكليه زى الخروج منها
الاتنين بطلوع الروح ولله الحمد:)))
والله يبارك فيكى... اهىء اهىء
- الحصان الأسود:
وعرفت ازاى انها جامعه كفر البطيخ؟؟؟
ماشاء الله الحاسه السادسه عاليه اوى عندك:))
والله يبارك فيك يافندم
انما تقصد ايه بالخرجه الكبيرة
ويارب كمان؟؟؟
انا اطلب تفسير
يعنى لو خرجت الملاهى ممكن تتحسب خرجة كبيرة:))
وتحياتى ليك
:::::::::::::::::::::::::::::::::::::::::::::::::::
-esmeralda:
هاااى ازميرالدا.. بتفكرينى بالاساطير اللى كنت بسمعها:)
وبعدين ماله اسمى بقى ايه الاحراج اللى فيه سيادتك
ومش عاوزة بطيخ كمان... انا بحب الفراوله اكتر:p
وبعد اللى شفناه دا هيكون لينا مين غير ربنا
حسبى الله ونعم الوكيل
::::::::::::::::::::::::::::::::::::::::::::::::::::
-egyptian:
الله يبارك فيك
وبعدين ايه البخل دا مش المفروض الايجيبشانز لبعضيهم واللا ايه
وسعلى كدا شويه انا هجيب عيش ومحشى وجايه:)
::::::::::::::::::::::::::::::::::::::::::::::::::::::
-الوافى:
الله يبارك فيييييييييك
وربنا يسمع منك:)
:::::::::::::::::::::::::::::::::::::::::::::::::::::
-ضوء القمر:
وبصرف النظر عن كل ماسبق
الله يبارك فيييكى ياقمورتى
وبعد الشر عنى ياختى الداكتوراه والكلام دا بيجبلى حساسيه
وحفلتك لازم تحضريها.... امال مين اللى هيقولنا ايه اللى حصل فى اليوم دا:)
::::::::::::::::::::::::::::::::::::::::::::::::::::
-واحد من الناس:
الله يبااارك فيييك
انا بصراحه شايله موضوع التكمله دا من دماغى
ممكن اخد كورسات ماشى لكن دراسات عليا.. لااااا والف لاااااا
بالذات انها عندنا بالعربى يعنى اقعد افك طلاسم ومصطلحات
طلع عينى على ماحفظتهم بالانجليزى
يعنى كأنى هبدأ دراسه من جديد خااالص
كمان علشان تحس انك انسان لازم اللى حواليك يقدّرو كدا برضو
انما الحمدلله بهدله من اول يوم فيكى ياجامعه
اييييييه ياللا انا لو فتحت فى الموضوع دا مش هخلص
لكن على العموم شكرا على النصيحه:)
:::::::::::::::::::::::::::::::::::::::::::::::::
-diyaa:
الف سلامه عليك مالشلل
خللى الحاجات دى للى زينا
انت يابنى لسا شباب..سيبهالنا احنا يامكحكحين:)
وعليكم السلام ورحمة الله ..
ومش عقبال ولادك انت كمان:)
هههههههههههههههههههههههههههههههه
اولا مبروك التخرج وهاعتبك بعدين انك مش قولتيلى بدرى :S
بغض النظر بئا عن البهدله دى
بجد كان يوم جامد
دمك زى السكر اساسا
وكله كوووووووووووم
والاخ بتاع كلنا ولادك يا حجه دا كوم تانى
ههههههههههههههههههههههههههههههه
هاتى بوسه بئا مبروك مرة تانيه ياجميله
اولا الف مبروك على التخرج
و ماتاخديناش فى دوكه ...
فين الساقع ... ؟
ههههههههههه
و الله انتى هلكتينى من الضحك .... ده احنا بلد لذيذه مووووووت
و دلوقت بقى استعدى لمعترك الحياه العمليه ... و اعرفى ان الشتيمه خلاص خلصت و الضرب هايشتغل
تحياتى .. و هابقى اجيلك علطول
شكرا على الكلام الحلو اللى قلتيه عندى ...و ابقى تعالى دايما ... و مبسوط بجد ان القصه عجبتك
-nothing to lose:
الله يبارك فيكى ياعسولى
بس انا خليتها فجأة كدا عشان الاكشن:)))
والله يابنتى ماكنت اعرف انها هتعجبكو اوى كدا
وياللا خدى البوسه مش خسارة فيكى:))
::::::::::::::::::::::::::::::::::::::::::::::::
-shower-mirror:
الله يبارك فيييييك
ممممممم ساقع ايه بس
انا عامله مقاطعة:)))
ممكن لو كدا يبقى كيس لب.. ينفع؟:)
وكويس انهم هيسيبو الشتيمه.. التغيير كويس برضو:)
وشكرااااا كتير للزيارة وبإذن الله هنقل بلاعتى عندكو:)
لاااااااااااااااااا :( ده هيبقى مصيرى اهئ اهئ عااااااااااا
طيب كنت ماتقوليش اللى حصل غير لما اخلص كده بقى مش هذاكر هه بس كدا قال يعنى بذاكر قوى ولا فاهمه حاجه
وبعدين تعالى هنا انتى هتوهى عن عميد كليتنا ولا جامعتنا المبجله ده كويس انهم عملوا حفله
بس فكك يابنتى من كل ده بردو يوم الحفله بردو كان ليه فرحه ماتبقى عارفه ان ده يوم تخرجك وهتقابلى زمايلك
وبعدين اكيد فى ناس هتيجى من بره تهيص مانتى عارفه مفيش اكتر من الناس اللى عندنا اللى بيهيصوا فى الهيصه
وعلى العموم الف الف الف مليون مبرووووووووووووووك يا سارتى وعقبالى السنه ده لما اخلص وارتااااح بقى
يلا بقى سلام :))
الفين و مليون تلاتاشر مبروك
:)
مبروك علي التقاعد
ومرحبا بك في عالم المعاش المبكر
انا مش عارف انتي استعجلتي لية بسرعة كدة
كنتي خدي وقتك في الجامعة متسربعة علي اية
مش تتعظي من اللي حواليكي
بس علي اي حال مبروك و ان شاء الله نشوفك حاجة كبيرة كدة
تلاجة 21 مثلا
الســــــــــلام عليــكم
الف الف مــبروك
هههههههههههههههههههههه
هههههههههههه
هههههههههههههههههههههههههههههههههههههههههههه
معلش بقى لانى بجد قعدت اضحك لغاية ما عنيا دمعت والناس اللى جنبى مستغربين لا صح هما اتعودوا على كده اقعد اضحك قدام الكمبيوتر اصل بعيد عنك فاكرين مجنونة
طيب كنتى قولتلى وانا جبتلك روبى كله ارواب وخلاص
ربـــنا يـكرمك ياااااااااارب وتلاقى مكان تشتغلى فيه ولا تقعدى فى طابور البطالة
هيصة وظيطة وحفلة ومغني
وأنوار الدنيا والعة
بإيدينا ننورلك شمعة
عشان خلصتي جامعة
مبروك
-kitty:
البؤسااااااااااااااءءء
يابنتى ماتعمليش فنفسك كدا وزاكرى انتى بس وانا هعملك حفلة مخصوص:)
وكله يهيص فى الهيصه على رأيك:))))
وعقبالك ياكميييل
::::::::::::::::::::::::::::::::::::::::::::::::::::::
-khaled:
الفين ومليون تمناشر الله يبارك فيك:))
::::::::::::::::::::::::::::::::::::::::::::::::::::::
ana ga3an:
الله بيارك فى معاليك يافندم
والله يرحب بيك.. فين الشيشه والطاوله بقى
انا فعلا فكرت امد فترة رئاستى.. اقصد فترة دراستى
بس اعمل ايه بقى...ماكنتش بذاكر وبرضو كنت بنجح
بس بصراحه لو كنت قعدت اكتر مالاربع سنين دول كان جرالى حاجه
ياللا كفاية عليهم كدا:)))
بعدين تلاجة ايه دلوقت الدنيا نار..ديب فريزر احسن:p
::::::::::::::::::::::::::::::::::::::::::::::::::::::::::
-أمانى:
وعليكم السلااااام ورحمة الله
الله يبارك فيككككككيييي
بجد انا مبسوووووطه اوى ان كلامى المتواضع دا فرحك
وبعدين ياستى كلنا هذا الرجل
انا بقعد ادام الكمبيوتر اتكلم واضحك...عاااادى جداااا
دى ظاهرة صحيه دلوقت يابنتى ولايهمك من الناس خاااالص:)))
وربنا يسمع منك ياااارب
احسن دماغى ساحت من كتر الوقفه فى الطابور
:::::::::::::::::::::::::::::::::::::::::::::::::::::::::::
-قنديل فى قلبى:
ايه الكلام الحلو دا
دا علشانى؟؟؟؟؟؟؟
والله انا هعيط مالفرحه
ربنا يخلليكو ليا ومايحرمكوش منى:)))
والله يبارك فيك ياشاعرنا الجليل قنديل:)
بصراحة طمنتينيييييييييييييييي
و انا اللي كنت فاكر ان احنا بس اللي حفلتنا كدة
كأنك بتوصفي حفلتنا
الف مبروك التخرج
و يارب تلاقي شغل
و لو اني اشك
هههههههههه
مبروك التخرج و اكيد مش هتنسى اليوم ده مش علشان اتخرجتى لأ علشان اللى حصل فيه
شرفتى مدوتنى و ميرسى ع الزياره
ابقى تعالى تانى
-dr.sherbo:
اييييييييييه دااااااااااا
اوعى تكون كنت معانا فى الحفلة وانا معرفش
:::::::::::::::::::::::::::::::::::::::::::::::::::::
-علاء:
الله بيارك فيييييك
وليه بس التشاؤم دا
يعنى حتى فى الحلم مش هلاقى شغل؟؟:)))))
:::::::::::::::::::::::::::::::::::::::::::::::
-3ashe2elro7:
الله بيارك فيك واكيد الزهايمر مش هيأثر فى اليوم دا:))
وانت كمان شرفتنى وبإذن الله مش هتكون آخر زيارة:)
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
يا لهوي
علي الوصف
تحفه
انتي متأكده انها حفله تخرج من الكليه ولا من السوق
ايه يابنتي دا
وساكتها وكتمه في قلبك كل دا
مبروك علي التخرج يا قمر وعقبال الدرسات العليا
تحياتي
مكحكحين فين ..د أنتي الصورة بتاعتك كلها حركة وحيوية
قال مكحكحين قال
بتشغتلني عشان الحسد
عاااااااااااااااااا
هو انا هايحصلى كده كمان كام شهر؟؟؟؟؟
يالهوتييييييييييييييييي
انشالله ماعنى رحت من أصله
بلاليع أخر زمن
-gohayna:
هههههههههههههههههه
هما كانوا بيجربو ينقلو السوق فى الكليه
وبعدين فين الكتمة دى اما كل الجعجعه دى تسميها ايه:)))
والله يبارك فيييكى وبعيد بعيد عن الدراسات كفايه علينا كدا:)
::::::::::::::::::::::::::::::::::::::::::::::::::::::::::::
-diyaa':
اللهم لا حسد:)
:::::::::::::::::::::::::::::::::::::::::::::::::::::::::::
-وينكى:
ليه بس وينكيتو لازم تعيشى الحياة بحلوها ومرها
عيشى الحفله وابقى قوليلنا نقلو السوق عندكو برضو واللا ايه النظام:)
LOL :D
mahy kol 7aga '7arbana, de ya3ny (2el7afla) 2elly hanefla7 fetanzemha, seebek 2enty..2elmohem 2elta'7arog :)
Congratulations, and welcome to the BEAUTIFUL real life :))
مبروك على التخرج
وبعدين خدى وقتك وريحى
وبعدين تفكرى تعملى اية
تحياتى
:hurricane_x-
ya welcome ya welcome:D:D:D
::::::::::::::::::::::::::::::::::::::::
-tamer nabil:
الله يبارك فيك
بعدين انا بقالى سنه مريحة:)))))))
ياللااا ...ماله البيت بس انا مش عارفه:)))
تحياتى ليك
يا ريت تشوفى مدونتى الجديدة
http://www.picsawy.blogspot.com
Post a Comment