ياهلااااااا فيكم
البوست دا من اول التخاريف اللى كتبتها
اهو تروقو حالكو بعد بوست البؤساء اللى كتبته
قلت اوريكو كدا كام صوره تفاريحى ومعاهم تعليق منى ولو عندكو تعليقات احسن حولوها عليا وانا فى الانتظارررررر
مش كنت تقول ياراجل كنا فرشنا الأرض سمك بدل الديك اليتيم دا
إحم...دى بلا فخر ماى ليج اللى فضلالى من حرب الشباشب والبيروسوللات
(نصب تذكارى تخليدا لبطولاتها معايا)
I Wish You A Merry Christmas And A Happy New YeaaaaaaR
إنى أرقص تحت الماااااااء...إنى أهبل أهبل أهبل
تشكيلة ساااااااااحرة من الالوان...سبحان اللــــــه
حسره عليا اللى ماعندى كورة شراب واللا حتى عروسه ورق آآآآآآآ
مش عارفه انا ايه التقليد الاعمى دا...شافونى مليت ترعه العمده عرق سوس حلفو لايعملو زيى...ربنا الشافى
(:وأخيرااا.. اليوجا الهندى بس على دبادييبى شويه
26 بعبر ياشعب:
هههههههههههههههههههههههههههههه
عجبتني اوي اليوجا الهندي بس على دباديبي هههههههههههههههههه
صور ثكر خالث تسلمي يا صرصارة على عرضها
السلام عليكم
انا شفته قبل كده يا بنتي
بس حلو برضه
ههههههههه
دا الامتحانات عاملة شغل جاامد
الصةر تحفى اوى على فكرة
حلو تغيير المود ده
استمرى
غيري مودنا معاكي ايوه كده الواحد اتخنق ..لا بتعدي و لا بتسلمي متخافيش مش راشين حاجه في المدونه عندي
-ضوء القمر:
تسلميلى ياقمورتى دانتى اللى ثكر:)
::::::::::::::::::::::::::::::::::::::
-mohandat:
وعليكم السلااام ورحمة الله
مانا عارفة ان فى ناس شافت البوست دا قبل كدا
بس مافتكرش كتير لانه كنت لسا مدونة مبتدئة:))
بعدين لولا انى نزلته تانى ماكنتش حضرتك هتعلق فيه وتقولى حلو برضو:)
مش كدا واللا ايييييييه:D
::::::::::::::::::::::::::::::::::::
-ma-3lina:
امتحانات ايه بس يابنتى احنا طلعنا عالمعااااش خلااااص
واللا تقصدى امتحانات الزمن:)))))
شكرا لمرورك وتحياتى ليكى
:::::::::::::::::::::::::::::::::::::
-van gogh:
هو انا كدا غيرت المود:))
دانا رجعت للمود مش غيرته
وحاضر سأتوغل وأستمر:))
تحياتى ونورتنى
::::::::::::::::::::::::::::::::::::
-انتظار مؤقت:
خلاص انا جااااااى طالما اديتنى الامان بعيدا عن سوبر راجون:D
شرفتنى يافندم
هههههههههههههههههههههههههههههههههههههههههههههههههههههههههههههههههههههههههههههههههههههههههههه
لما بيكون بدى اضحك لازم امر عندك يا جميل
اقولك فى تاج ليكى
:D
ههههههههههههههههههههههههههههههههه
إنى أرقص تحت الماااااااء...إنى أهبل أهبل أهبل
جاااااااااااااااااااااااااااااااامده
هههههههههههههههههههههههههه
انتي مشكله بجد
تحياتي
جامده جدا انى ارقص تحت الماء
وكمان اليوجا
:)
:)
التهيس بدا اهو
:)
ايوة كدا يابنتى اخرجى من المود الكئيب دا
محدش واااااااخد منهاااااا حااااااجة صدقينى:d
سعيدة بزيارتك لمدونتى وشكرا ليك كتير
بس ليه بتكدبى وتقولى انك صرصاره انا اشك لاانتى فراشه جميله
دمك خفيف واسلوبك لذيذ انا برضه اول مرة ادخل مدونتك
nice collection, especially the last one! :))
اهلا وعدنا الي قواعدنا سالمين
الحمد لله
اهو كدا المود ولا بلاش
حمدلله علي السلامه
ايه يا قمر مختفيه ليه
والصور واليوجا الهندي مسخره
تحفه بجد
تحياتي ويارب تكوني سعيده دايما
ايوه كده يا بنتي فكيها شويه..علي فكره المدونه بتاعتك كلها بصراصير ها وخنافيسها وبلاليعها حلوه أوي
حلوة الفرفشه
وتعليقاتك حلوة مووت
تحياتى
-أمانى:
اه انتى اضحكى وانا اصوت
هو التاج ورايا ورايا ياربى.. اهىء اهىء
حاضر ياستى لما اشوف التاجين اللى قبل بس يبقى ربنا يفرجها
سلاااااااام
:::::::::::::::::::::::::::::::::::::::::::::
-•«ρяoιd»•™:
الله يحفظك
الله يكرمك
الله عليكى يامصر:D
تحياااااتى وماتقطعش الزيارات
::::::::::::::::::::::::::::::::::::::::::
-r.r:
مساءو تهييس ودماغ صراصيرى معتبر:D
:::::::::::::::::::::::::::::::::::::::::
-رينــــــــا:
على رأيك والله هناخد ايه ياحسرة:))
-رفقة عمر:
انا اسعد بتشريفك ليا ودايما منورانى
بعدين انا مش بكدب ولا حاجه
انا صرصارة اعمل ايه بقى قدرى
تحياتى ليكى
::::::::::::::::::::::::::::::::::::::::
hurricane_x :
i am glad u like it
dayman yarab:)
:::::::::::::::::::::::::::::::::::::::
gohayna :
ايون يامعلمى هى دى الدماغ المظبوط:D
واحنا موجودين فى البلاعة هنروح فين بس
والحمدلله ان الصور عجبتك وفرفشتك
تحياتى وربنا يخلليكى لياااا يارب
:::::::::::::::::::::::::::::::::::::
-شعبيه :
وانا سعيدة ان بلاعتى المتواضعه عجبتك
وشرفنى مرورك
:::::::::::::::::::::::::::::::::::::::
-ضد الظلم:
ربنا يكرمك يارب
وشكرا لمرورك
حلوة الصورة الاولى جدا تحسى ان الدب من العيلة ومش غريب بس طويل شوية عليهم مجموعة حلوة من الصور
تحياتى
ايوة كدة حد يطلعنا من المود الاكتئابي اللي مالي المدونات اليومين دول خصوصا عندي بطبيعة الحال لأني صاحب نظرية: الإنسان مكتئب بطبيعته
ربنا يخليكي لينا
الحقيني يا بنتي الناس فهمتني غلط في البوست المنيل بتاع الحمار و شويه شويه حيحلو دمي ...حبيت اشكرك على مرورك و دايما بتفائل بيكي انا مطر ارد على كل التعليقات بره المدونه عشان خايف اكتب هناك ..ابقي عدي و اجرة الحنطور عليه
نتشرف بدعوة سيادتكم والأسرة الكريمة لحضور إفتتاح المدونة الصاعدة بإذن الله .. كلماتى .. والعاقبة عندكم فى المسرات ..
حضروكم يسرنا ..
ودخانكم يضرنا ..
هو كان فيه موود كئيب
كل الناس عماله بتقول موود كئيب
ماعلينا
هو الدب بيعمل أيه؟؟
يا سيدي يا سيدي
--------
مدونتى فيها موضوع ريحته وحشة
اللى بيقرف ميدخلش عندي
:)))))))
امام الجيل:
فعلا هو واحد من العيلة
الباقى برضو دباديب
بس متنكرين:D
تحياتى وشرفتنى
::::::::::::::::::::::::::::::::::::::::
Egyptian :
أى خدعه سعادتك
وحتى لو مكتئبين لازم نضحك على نفسنا ونبقى مفرفشين:))
هنعمل ايه بس
وشكرا لمرورك
::::::::::::::::::::::::::::::::::::::::::
انتظار مؤقت:
لييييه دا كله بس
لاتخف وتحلى بالشجاعه ورد عالتعليقات
امال احنا بنكتب لمين بقى
وانا جاية اهو وطالما الاجرة عليك يبقى خليها تاكسى العاصمة:P
::::::::::::::::::::::::::::::::::::::::::::
ياسر سليم:
طيب فى شربات وجاتوه واللا هنيجى عالفاضى
عموما الف مبروك وعقبال الانجال:))
:::::::::::::::::::::::::::::::::::::::::::
bino:
لا دى أزمة وعدت
والدب سيادتك قاعد عالى مائدة الغداء
معزوم على ديك رومى عقبال عندك
:::::::::::::::::::::::::::::::::::::::::::
sharm:
ههههههههههههههه
يابنى دانا عايشة فبلاعة يبقى هقرف اجيلك ازاى
بس انا بلاعتى فايف ستارز اه.. واخدالها سويت مخصوص فى الهيلتون
ياللا هتنواضع ونعدى نشوف ايه الاخبار
تحفة
شكرا ليك واسعدنى مرورك كتيييير
Post a Comment