انا حقودة جدا
انا غلاوية اوى
انا......طيب بلاش اتكلم عن نفسى كتير
اللى بيخااااااف يطلع بره... قصدى لما يقرا يكون عامل حسابه ومشغل العربية ويخلع
عشان هنا هيكون فى ضرب وبهدلة وانا طبعا خايفة عليكو.. تقولولى هاتنضربى من مين وانتى غلبانة وفحالك وبتمشى جوا الحيط
اقولكم هانضرب من انصار حرية المرأة وانصار حطى البويا لتبدين امرأة مشرقة
طبعا فى اعتقادى انه مفيش ولابنوتة وهى صغنونة ماكانتش بتلعب بالروووج وتحط اولن الطيف على وشها وتلبس كعب عالى.. ومن اعتقادى ايضا ان دا كان مجرد تقليد اعمى للماما عشان تشوف نفسها ليدى زيها
ولكن لما لحظات البراءة والطفولة دى تنتهى ونكبر ونكون انسات عسولات فى مننا بيستمر فى هذا التقليد واللى بيصبح عادة لايمكن الاستغناء عنها
وفى مننا بيقاطع هذه العادة لانها يمكن ماكانتش بتلعب بالروج اساسا وهى نونو او لانها بتاخده من منطلق دينى واخلاقى يمنع الفتاة من الزينة خارج البيت
عدة الشغل.. فول اوبشنز:)
دلوقت لو استعارنا شنطة من انسة ..انا بقول استعارة يعنى زى الشطار نسيب الموبايل والمحفظة مكانهم..ونبتدى ندور عن الاتى:
صوباع روج.. بقا دلوقت يتعمل استيكة
اى شادو.. بالظبط زى الوان المية لو حد هنا فنون جميلة
بودرة الوجه.. دى طبعا ملهاش اى علاقة ببودرة التلك
قلم الكحل.. ابن عم القلم الكوبيا بتاع زمااااااان
الماسكرا.. لو حد يعرفلها معنى يقوللى
وطبعاااااا المراية ..امال هنظبط كل دا ازاى
وياللا بينا دلوقت نبدأ عملية التجميل بباكين( شركة الدهان الاولى بمصر:).. قصدى عملية الدهان
هنصب الاساس اللى هو البودرة وهى بديل للاسمنت لانه دا طبعا وش مش عمارة
ونبدأ نمحّر الوش بالسفنجاية ونوزع كويس عشان ماتكلكعش
وبعدها نحدد الشبابيك اللى هما العيون بالكحل عشان نبدأ ندهن
هنحط البويا بشكل فنى تقنى بتوزيعها على انحاء العين مع الالوان المتناسبة
الاحمر والاخضر والابيض.. دى اكيد واحدة بتحب البيتزا:)
وبعدها ييجى الروج ليضفى منظرا متألقا.. على فكرة لسا بياكلو منه تلاتة كل يوم:)
طبعا تكلفة العمارة دى... يوه قصدى الوش الجميل دا بعد الدهان مش هتكون كبيرة اوى
ليييييييييييه... عشان احنا دايما بنستخصر نجيب حاجة عليها القيمة طالما محلات اتنين ونص وتعالى بص فاتحة
وطبعاااااااااا مفيش اى حاجة باتنين ونص تجيب اى فايدة لينا وبالذات لما نحطها على وشنا وجوا عنتينا
الاساسى ان على مدار الايام ادوات التجميل..هما بيسموها كدا.. بتأثر على البشرة بشكل سلبى وبتسبب بلاوى سودة وتجاعيد احنا فى غنى عنها
إيديييلووووو
وطبعااااااا فى ناس هتقوللى مافى محلات كبيرة وماركاااااات عالمية موثوق فيها
اقولهم .. كله كيماوى ياماما ومفيش احسن من الاورجانيك
يعنى دلوقت نحط الوان عشان ندارى السواد اللى تحت عنينا او عشان احنا سمر وعاوزين نبقى ابيض من كلوديا شيفر او عشان دا دليل على الانوثة والرقة والجمال واننا وصلنا لمرحلة الجواز.. ياللا ياعم شييييل
كمان كام سنة كدا هتحطى البويا عشان تدارى التجاعيد المبكرة والبقع السودا اللى ملت وشك وماتعرفيش ياعينى جتلك منين
فى اوروبا والدول المتقدمة.. على رأى واحد مش فاكراه.. مش بيهتمو خااااالص بالمسائل دى
ليييييييه.. مش علشان هما بييض وحلوين ولا علشان عيونهم زرقا ومش بيلبسو عدسات ملونة اقرب ماتكون لقطعة ازاز ملونة مكسورة مرمية فى الطريق واحدة عنيها سودة وخنقاها لقطتها من الشارع وحطتها فى عنيها عشان تبقى زرقا.. بعدها راحت تركب عين بلاستيك لان طبعا عنيها...طااااارت
الناس دى بتبص على الاساس مش بتهتم بالرتوش... نسيت اقولكم العمارة اللى دهناها كانت من غير عمدان-تعالو نشوف ايه اللى كنا المفروض نعمله
الاساس اللى بيعملوه انهم بينضفوا وشهم كل يوم وبيعرفوا ياخدو وقت لنفسهم ويبعدوا عن اى ضغوطات لانها طبعا بيكون ليها تأثير على الوجه اللى بيبان عليه اى تعب او عصبية
يعنى الاساس هو النضاااااااااااافة
كونى نظيفة.. لتكونى جميلة ومشرقة.. وسيبك من كلام بتوع اتحاد المرأة البلياتشو
لو معندكيش ثقة كافية بنفسك لانك مش جميلة بصى على اتنين من اهم سيدات العالم دلوقت
كندوزة روزة.. حبيبتى لازم ادلعها
وأوبرا وينفرى.. دى حبيبتى بجد
الاتنين سمر.. يعنى انتى جنبهم كلوديا شيفر اللى بتموتى نفسك عشان تبقى زيها
بس الاتنين الناس كلهم بتقفلهم على رجل طبعا مع اختلاف الافكار والمراكز والشخصية لكل واحدة فيهم
انا خلصت كلامى بس عارفه انتو بتسألو هى ليه اتكلمت عن الموضوع دا
اقولكم ليه
لان زى معظم بنات مصر..بيفتكروا ان مجرد وضع الوان على الوش هيخللى الناس تبصلهم بشكل مختلف وتديهم ثقة بنفسهم لانهم خلاص كبروا وادوات التجميل اصبحت جزء من شخصيتهم
حاولى تحبى نفسك وماتداريش عيوب الوجه بقناع بتشيليه اول مابتدخلى البيت وترجعى تانى انتى بدون قناع
نفسك هى اللى هتدوم معاكى وهى الاساس اللى المفروض تخللى بالك منه وتراعيه كويس
زوديها بالثقة والعناية والحب هتلاقى الجمال اللى جواكى من غير ماتحسى بيحل مكان القناع اللى كل يوم بتحطيه وبشوية مية بتشيليه
ليا صديقة اتجوزت قريب وكان فرحها بسيط جدا بمعنى الكلمة حتى فى لبسها ومكياجها
لانها ببساطة لم تضع اى نوع من الميك اب والكل كان مستغرب جدا للتصرف دا
تفتكروا هى عملت كدا ليه مع ان كل بنت بتستنى اليوم دا بالذات عشان تحجز عند كوافير مش عارفه مين وتعمل الوان الطيف عشان تختفى ملامح وشها الحقيقى
مش كتير ممكن يقتدوا بصاحبتى انا عارفة البنات لانى منهم:)
بس انا عن نفسى عملت مقاطعة ومن زمن عن وضع اى نوع من انواع البويا حتى لو فى مناسبة ( ماحنا فى المجتمع دا محللين البويا فى المناسبات عشان يمكن ربنا يعدلها واللا حاجة:) مش كدا واللا اييييييييه
مستنية رأيكم فى المقاطعة دى... وياريت يبقى معاكم بوكيه ورد لانى هكون فى قسم العظام.. الكعب العالى دغدغ عضمى.. يرضيكو كدا؟
انا غلاوية اوى
انا......طيب بلاش اتكلم عن نفسى كتير
اللى بيخااااااف يطلع بره... قصدى لما يقرا يكون عامل حسابه ومشغل العربية ويخلع
عشان هنا هيكون فى ضرب وبهدلة وانا طبعا خايفة عليكو.. تقولولى هاتنضربى من مين وانتى غلبانة وفحالك وبتمشى جوا الحيط
اقولكم هانضرب من انصار حرية المرأة وانصار حطى البويا لتبدين امرأة مشرقة
طبعا فى اعتقادى انه مفيش ولابنوتة وهى صغنونة ماكانتش بتلعب بالروووج وتحط اولن الطيف على وشها وتلبس كعب عالى.. ومن اعتقادى ايضا ان دا كان مجرد تقليد اعمى للماما عشان تشوف نفسها ليدى زيها
ولكن لما لحظات البراءة والطفولة دى تنتهى ونكبر ونكون انسات عسولات فى مننا بيستمر فى هذا التقليد واللى بيصبح عادة لايمكن الاستغناء عنها
وفى مننا بيقاطع هذه العادة لانها يمكن ماكانتش بتلعب بالروج اساسا وهى نونو او لانها بتاخده من منطلق دينى واخلاقى يمنع الفتاة من الزينة خارج البيت
عدة الشغل.. فول اوبشنز:)دلوقت لو استعارنا شنطة من انسة ..انا بقول استعارة يعنى زى الشطار نسيب الموبايل والمحفظة مكانهم..ونبتدى ندور عن الاتى:
صوباع روج.. بقا دلوقت يتعمل استيكة
اى شادو.. بالظبط زى الوان المية لو حد هنا فنون جميلة
بودرة الوجه.. دى طبعا ملهاش اى علاقة ببودرة التلك
قلم الكحل.. ابن عم القلم الكوبيا بتاع زمااااااان
الماسكرا.. لو حد يعرفلها معنى يقوللى
وطبعاااااا المراية ..امال هنظبط كل دا ازاى
وياللا بينا دلوقت نبدأ عملية التجميل بباكين( شركة الدهان الاولى بمصر:).. قصدى عملية الدهان
هنصب الاساس اللى هو البودرة وهى بديل للاسمنت لانه دا طبعا وش مش عمارة
ونبدأ نمحّر الوش بالسفنجاية ونوزع كويس عشان ماتكلكعش
وبعدها نحدد الشبابيك اللى هما العيون بالكحل عشان نبدأ ندهن
هنحط البويا بشكل فنى تقنى بتوزيعها على انحاء العين مع الالوان المتناسبة
الاحمر والاخضر والابيض.. دى اكيد واحدة بتحب البيتزا:)
وبعدها ييجى الروج ليضفى منظرا متألقا.. على فكرة لسا بياكلو منه تلاتة كل يوم:)
طبعا تكلفة العمارة دى... يوه قصدى الوش الجميل دا بعد الدهان مش هتكون كبيرة اوى
ليييييييييييه... عشان احنا دايما بنستخصر نجيب حاجة عليها القيمة طالما محلات اتنين ونص وتعالى بص فاتحة
وطبعاااااااااا مفيش اى حاجة باتنين ونص تجيب اى فايدة لينا وبالذات لما نحطها على وشنا وجوا عنتينا
الاساسى ان على مدار الايام ادوات التجميل..هما بيسموها كدا.. بتأثر على البشرة بشكل سلبى وبتسبب بلاوى سودة وتجاعيد احنا فى غنى عنها
إيديييلووووووطبعااااااا فى ناس هتقوللى مافى محلات كبيرة وماركاااااات عالمية موثوق فيها
اقولهم .. كله كيماوى ياماما ومفيش احسن من الاورجانيك
يعنى دلوقت نحط الوان عشان ندارى السواد اللى تحت عنينا او عشان احنا سمر وعاوزين نبقى ابيض من كلوديا شيفر او عشان دا دليل على الانوثة والرقة والجمال واننا وصلنا لمرحلة الجواز.. ياللا ياعم شييييل
كمان كام سنة كدا هتحطى البويا عشان تدارى التجاعيد المبكرة والبقع السودا اللى ملت وشك وماتعرفيش ياعينى جتلك منين
فى اوروبا والدول المتقدمة.. على رأى واحد مش فاكراه.. مش بيهتمو خااااالص بالمسائل دى
ليييييييه.. مش علشان هما بييض وحلوين ولا علشان عيونهم زرقا ومش بيلبسو عدسات ملونة اقرب ماتكون لقطعة ازاز ملونة مكسورة مرمية فى الطريق واحدة عنيها سودة وخنقاها لقطتها من الشارع وحطتها فى عنيها عشان تبقى زرقا.. بعدها راحت تركب عين بلاستيك لان طبعا عنيها...طااااارت
الناس دى بتبص على الاساس مش بتهتم بالرتوش... نسيت اقولكم العمارة اللى دهناها كانت من غير عمدان-تعالو نشوف ايه اللى كنا المفروض نعمله
الاساس اللى بيعملوه انهم بينضفوا وشهم كل يوم وبيعرفوا ياخدو وقت لنفسهم ويبعدوا عن اى ضغوطات لانها طبعا بيكون ليها تأثير على الوجه اللى بيبان عليه اى تعب او عصبية
يعنى الاساس هو النضاااااااااااافة
كونى نظيفة.. لتكونى جميلة ومشرقة.. وسيبك من كلام بتوع اتحاد المرأة البلياتشو
لو معندكيش ثقة كافية بنفسك لانك مش جميلة بصى على اتنين من اهم سيدات العالم دلوقت
كندوزة روزة.. حبيبتى لازم ادلعها
وأوبرا وينفرى.. دى حبيبتى بجد
الاتنين سمر.. يعنى انتى جنبهم كلوديا شيفر اللى بتموتى نفسك عشان تبقى زيها
بس الاتنين الناس كلهم بتقفلهم على رجل طبعا مع اختلاف الافكار والمراكز والشخصية لكل واحدة فيهم
انا خلصت كلامى بس عارفه انتو بتسألو هى ليه اتكلمت عن الموضوع دا
اقولكم ليه
لان زى معظم بنات مصر..بيفتكروا ان مجرد وضع الوان على الوش هيخللى الناس تبصلهم بشكل مختلف وتديهم ثقة بنفسهم لانهم خلاص كبروا وادوات التجميل اصبحت جزء من شخصيتهم
حاولى تحبى نفسك وماتداريش عيوب الوجه بقناع بتشيليه اول مابتدخلى البيت وترجعى تانى انتى بدون قناع
نفسك هى اللى هتدوم معاكى وهى الاساس اللى المفروض تخللى بالك منه وتراعيه كويس
زوديها بالثقة والعناية والحب هتلاقى الجمال اللى جواكى من غير ماتحسى بيحل مكان القناع اللى كل يوم بتحطيه وبشوية مية بتشيليه
ليا صديقة اتجوزت قريب وكان فرحها بسيط جدا بمعنى الكلمة حتى فى لبسها ومكياجها
لانها ببساطة لم تضع اى نوع من الميك اب والكل كان مستغرب جدا للتصرف دا
تفتكروا هى عملت كدا ليه مع ان كل بنت بتستنى اليوم دا بالذات عشان تحجز عند كوافير مش عارفه مين وتعمل الوان الطيف عشان تختفى ملامح وشها الحقيقى
مش كتير ممكن يقتدوا بصاحبتى انا عارفة البنات لانى منهم:)
بس انا عن نفسى عملت مقاطعة ومن زمن عن وضع اى نوع من انواع البويا حتى لو فى مناسبة ( ماحنا فى المجتمع دا محللين البويا فى المناسبات عشان يمكن ربنا يعدلها واللا حاجة:) مش كدا واللا اييييييييه
مستنية رأيكم فى المقاطعة دى... وياريت يبقى معاكم بوكيه ورد لانى هكون فى قسم العظام.. الكعب العالى دغدغ عضمى.. يرضيكو كدا؟
24 بعبر ياشعب:
ربنا يسعدك يا سارة ومعاك يا فندم وراكي رجالة ماتخافيش اللي حيمد إيده أو حتى كعب عالي عليكي حاناولك المناديل على طول
والله موضوع جميل فعلا
وياريت كل البنات المغرمة بالميك اب تفهم الكلام ده
الغريب كمان ان ساعات الحاجات اللي بيحطوها على وشهم بتخفي جمالهم الحقيقي
بل وساعات كمان بتبوظ شكلهم
لكن هو غالبا تزيين الشيطان اللي بيخليها تفكر ان كده أفضل
و كمان زي منتي قلتي بيحسسها انها كبرت
اؤيدك في المقاطعة
وتسلم ايدك على الموضوع الرائع
معاكي مية في المية
بجد صاحبتك دي جدعة اوي
عارفة انا دايما كنت بفكر قد ايه
العروسة يوم فرحها مش بتبقى حقيقية
وكانها لابسة وش غير وشها
ياريت فعلا نعرف نقدر الجمال الحقيقي
وما تخدعناش الالوان
تحياتي .......
السلام عليكم ورحمة الله وبركاته
حمد الله علي السلامه يا ساره
ومعاكي في كل كلمه بتقوليها ومايهميكيش من جمعيه المرأه المتوحشه احنا وراكي
فكرتيني بفيلم اين عمري بتاع ماجده وزكي رستم لما كانت نفسها ومني عينها تكبر وتتجوز عشان تلبس فستان مش عارفه ايه وتحط ومكياج وتلبس شوز بكعب عالي
سلامووووووووووز
تصدقى والله انا كنت لسه بافكر فيكى امبارح وباقول صورصارة فين مش باينه
انا قلت اسلم عليكى الاول واعبرلك عن فرحتى بعودتك تانى
هاقرا الموضوع وارجعلك تانى
حمدا لله على سلامتك الحمد لله انك بخير
يابنتى ايه الكلام الجميل دة
انا من النوع اللى مش بيحب الميك اب اساسا كنت بانكسف منه جدا عمرى ما حاطيت
ولما التزمت طبيعى برضه مش باحط عارفه صحباتى اللى كانوا بيحطوا بقى شكلهم اكبر منى بكتير
والحمد لله فعلا لما تحافظى على طبيعه ربنا وتحمدى ربنا عليه كل الناس تشوفك جميله ومش تاخد بالها خالص انك مش بتحطى ميك اب
موضوع جميل قوى
تسلم ايديك
أؤيدك و بشدة
مفيش أحسن من الجمال الطبيعي و خلقة ربنا
أما الكيماويات المستخدمة في مساحيق التجميل بتفسد البشرة فعلاً و بتبهدلها مع الزمن
كلامك عين العقل ياسارة
لكن مين اللي بيسمع الكلام ده دلوقتي
كلنا بنقلد تقليد أعمى وخلاص
ومافيش حد عارف احان رايحين على فين بالمنظر ده
دمت بود
سارة .... ألف حمد الله ع السلامة
ايه يابنتى الغيبة الطويلة دى
هوا كلنا هنبقى ف الهوا سوا ولا ايه... ربنا يستر
بس ايه البوستات الجامدة دى
فعلا" والله ياسارة ساعات لما اشوف واحدة صاحبتى بتحط الوش ده " اسمحيلى انا بسميه فضا " ببقى متنحة
مش محاولة منى للتقليد او للتعلم يعنى لاء بس ببقى من جوايا زعلانة برضو مش علشان هما ممكن يطلعوا ف الآخر احلى شوية برضو لاء
بس علشان هما قبل مابيضحكوا على الناس بيضحكوا على نفسهم
ومشكلتنا فعلا" اننا بنكدب الكدبة وبنصدقها وننسى اننا اللى مألفينها
ولو واحدة فيهم حسبتها صح شوية هتلاقى انه اكرملها انه واحد يشوفها بشكلها الطبيعى اللى ربنا خلقها بيه ويعجب بيها أحسن من انه يشوفها بشوية اللحوسة دى وبعدين يفاجأ بيها بعد الغسيل
فعلا" انا اعرف ناس لما بشوفهم من غير ميك أب تقريبا" مبعرفهمش وببقى مستغرباهم جدااااا....ربنا يهدى الجميع
والمثل بيقول .. حب عيبك / عيبك يحبك
وربنا مبيخلقش حد معيوب لكن احنا اللى بنعيب نفسنا بأفعالنا وتصرفاتنا
..
متغيبيش علينا كده ياسارة
وسلامتك من الكعب العالى
سلاااااامى ليكى
حمدلله علي سلامتك دا اولا
وانا معاكي في هذه المقاطعه دا ثانيا
تحياتي
الله أكبر يا سلام انتى كده هعطيلك جايزة نوبل على المقال ده
ههههههههههههه وبعدين ابقى هاتيلى النص طبعاً نص مليون يورو المهم كلام بجد حقنة تمام سواء عضل ولا وريد
الصراحة الكلمة بتاعة البويا دى على لسانى انا واصحابى دايما لان مجتمع الجامعة 95 %منه بيكسبوا شركات البويا والا بلاش الشركات عشان ميزعلوش دى على إيه مش عارف كل واحدة جاية حاطة 3 كيلو بويا او بلاك وطبعا البلاك كلمة جامدة او البوتامين لو محدش هيعرف البلاك المهم كله ده وبما إنه من مجال إختصاصى أقول للشعب الآتى
مسبب للسرطان سواء بالجلد او بأى عضو 1
2 يذهب نضارة البشرة أكثر مما كانت
3 يسبب حبوب وأمراض جلدية كثيرة لا داعى للتخويف أكثر من ذلك
ونصيحة الصراحة مفيش راجل بيبص لواحدة حاطه بويا على وشها إلا إذا خاد عنها فكرة مش تمام
إما بتحاول إنها تتدارى عيب أو إنها مش تمام وخلاص
جمال المرأة مش بالبويا وإنما بحجابها
ونظافتها
وذكائها وشطارتها وأدبها وأخلاقها
مثلا لو حد هيتقدم يخطب واحدة
واحد لونها قمحى ومؤدبة وهادية وأخلاق
او واحدة حاطة كيلو بويا ومش تمام
اروح طبعا للأدب والأخلاق
مش شرط الجمال فى الشكل يا جماعة
ممكن يكون جمال روح وخفة ظل
وبعدين أختم بكلام الرسول صلى الله عليه وسلم
وعن أبي هريرة رَضِيَ اللَّهُ عَنْهُ عن النبي صَلَّى اللَّهُ عَلَيْهِ وَسَلَّم قال: تنكح المرأة لأربع: لمالها، ولحسبها، ولجمالها، ولدينها، فاظفر بذات الدين تربت يداك مُتَّفَقٌ عَلَيْهِ.
ومعنى ذلك: أن الناس يقصدون في العادة من المرأة هذه الخصال الأربع فاحرص أنت على ذات الدين واظفر بها واحرص على صحبتها.
اجعل همك ذات الدين هذه هي التي تجعل حياتك جنة تتقي الله فيك تخاف الله فيك، تؤدي لك الحقوق، تحفظك إذا غبت تحفظ مالك وولدك، وتحفظ سرك وهذا الكلام للشباب.
أما للفتيات كما قلت حجابك هو جمالك وهو التجمل بطريقة صحيحة .
والسلام للجميع
وخاصة صراصيروا على فكرة انا بدرس السنة دى صراصير مش عارف ايش جاب الطب للصاصير بيقولوا ايه بتنقل ديدان وأمراض للبنى أدم وعجبى
ههههههههههههههه
^_^
مفيش احسن من تكون البنت على طبيعتها
الطبيعى ديما يكسب الصناعى
تحياتى
حمدا لله على السلامة يا سارة
بالنسبة لتعريف كلمة ماسكرا , فهي و الله أعلم قد تكون تحريف لفظي لكلمة:"مسخرة" :)
كلنا معاكي واوعي تخافي
بس خليكي قدامنا
واوعوا حد يجري قبلي
و انا معاكى
لا للبوية :))
صباح الفل أنا أحمد فؤاد من تيت راديو وعاوز اتكلم معاكي لو ممكن تبعتيلي ايميلك او تليفونك او عنوان بلاعتك يبقي لطيف
ahmedfouadeldin@gmail.com
والله يابنتى احلى كلام سمعته
انا عن نفسى زيك مش بحط ميكب خالص يعنى باقالى بظبط سنه محطتش مش عشان حاجه لانى مش بحبه اوى وبحط كل فيييييييين وفيييييييينوكمان مايبقاش باين وممكن ادخل اغشل وشى فى وسط النهار لانى بجد ببقى حاسه انى متجبسه مع انى ممكن اللى واقف ادامى مايكنش شيف الميكب من كتر مهوا خفيف وبتغاظ اوى من حكايه اتنين ونص دى يخرااااابى عليهم البنات دى بتنتحر بجد باللى بتعمله فى نفسها ده
يابنتى بجد الجمال جمال الروح ربنا مابيخلقش حد وحش كل واحد بيبقى فيه ميزه الناس تحبه بيها
نوناااا
انتي كنتي فين من زمان يابنتي كنتي فين
انا لساني كان عايز يقول الكلمتين دول بس انتي قولتيهم احسن ميت مره
وبما انك شددتي علي موضوع النظافه فهو ده فعلا احلي ما في الموضوع
بس اوبرا وينفري حبيبه قلبي من جوا جوا
بتحط ميك اب
ومن غير الميك اب شكلها لا يري بالعين المجرده ومع ذلك انا بحترمها وبحبها ايا كان شكلها
انتي تسحقي التقدير علي البوست الروعه ده
مش كدا و النبي
نقول كدا تقولوا اطلعوا من البلد
طبعا مع احترامي كل بنت بتتبع الطريقة ديه لكن بجد ديه اغبى سلوك بشوفه لان هما بستخدموا الميك اب على امل انهم يكونوا احلى معنى كدا انهم مش واثقين في جمالهم الحالي معنى كدا انهم معندهمش ثقة في جمالها الحقيقي حتى لو مكانتش جميلة لان الجمال مش جمال شكل و بس
انا اؤيدك تماما و بشدة و اوي كمان و كويس انها جات من واحدة بنت علشان متقولوش علينا ان احنا متحاملين عليكوا
اه نسيت اقولك فينك من زمان حضرتك الدنيا ملاهي انا عارف بس متغيبيش كتير
سلام يا فندم
إخس عليا
لأ حقيقى أخس اخس اخس
ده انا عارف ان البوست ده هينزل قبل ما ينزل
قوم فى الاخر ما علقش عليه لحد دلوقت
لأ اخس اخس اخس
(قصيدة اخس للمتنبى )
وبعدين ده حلو اوى اوى
ده حاسس انه مكتوب ليا
ده انا بموت فى تقليب شنط البنات بالذات اخواتى
بحب اشوف عدة الشغل بتاعتهم
والحقيقة بتورد عليا حاجات
عينك ما تشوف الا النور
صوباع روج.. بقا دلوقت يتعمل استيكة
اى شادو.. بالظبط زى الوان المية لو حد هنا فنون جميلة
بودرة الوجه.. دى طبعا ملهاش اى علاقة ببودرة التلك
قلم الكحل.. ابن عم القلم الكوبيا بتاع زمااااااان
الماسكرا.. لو حد يعرفلها معنى يقوللى
وطبعاااااا المراية ..امال هنظبط كل دا ازاى
هههههههههههههههههههههههههه
لا بجد بوست جميييييييل
تحياتى
احمد
ايه يا صرصور انا شكلى لماجيت عملت مشاكل وشكل حدداسلك على قرن استشعار او فى بيات صيفى
اظهر وبان عليك الأمان
د/هيما
بوست مميز احييكى على طرحة
ومتفقة معكى طبعا
بس انا سبقتك وتمت المقاطعة من زمان اوى
موضوع فى الصميم عن جد
ساعات بشوف واحدة ماشية جنبها و الدها ووالدتها و اخوتها و حاااطة فى وشها كمية بودرة فظيعة بتبقى سورى عاملة زى العفريت الى لسة صاحى من النوم و بيفكر يغسل وشه
و المفروض ان البنات تعرف ان لو واحد بص لها وهى حاطة مكياج يبقى ده معجب بجمال المكياج و مهمل للجوهر يعنى ما أعجبش بشخصيتها ولا بتاع و بالتالى فان لو ربنا تمم بخير فمن يوم الصباحية هو هيتفاجئ ايه ده؟..مين دى ؟
مهو متعود انه يشوفها بالميك أب
متعودش على العفريت الى بيتاوب
بوست هاااااااايل يا سارة
وده اول تعليق ولكنى متابع مدونتك بأستمرار و ياريت طلب صغير بس
ما تأخريش البوستات بينهم و بين بعض
تحياتى
نضال
انا في الاول احب اسلم عشان دي اول مرة ادخل المدونة
تاني حاجة انا قلت اضيفها للمفضلة وابقى اشوفها بعدين لان بصراحة انا بعد الفجر وعايزة انام بس عشان اكون صريحة معاكي الموضوع استفز اديا انها ترد
انا شايفة ان ده هجوم صارخ وصااااااااارخ قوي يعني انا معاكي ان المفهوم بتاع المكياج ميبقاش كده ان الوحدة عايزة تغير من هيئتها او لونها تماما زي مابنشوف ان ممكن المكياج يغير من ملامحي كتير وبرضه مرفوض انه يكون وسيلة لاثبات الذات او تعزيز الذات او الاحساس بالثقة اعتقد ان الاحاسيس والافكار دي لما بتبقى مرتبطة بالمكياج بتطلع شخصية مهزوزة متقدرش تنزل من بيتها من غير ماتحط او ماتبقاش عندها الثقة في انها جميلة من غير مكياج واعتقد ان ده النوع اللى انتي قصدك عليه
انا كان لي صحبتي كده والحمد لله قدرت اقنعها ان احلى حاجة الوش الصافي وخلقة ربنا
بس كلام في سرك طريقة كلامك متقنعش اي واحدة بالعكس هجومية واللى هايقتنع بيها او هايحب المقالة هما اللى اصلا مقتنعين بالفكرة فاهماني ؟؟؟
حاجة كمان بختلف معاكي فيها المكياج مش بعبع كده يعني اللى هو مقربلوش محطوش المكياج ده حاجة لابراز الجمال ي مالكحل مثلا وسيلة واداة اني ابين عنيا واوضح جمالهم واظهرهم بقيت ادوات المكياج كده
وبالنسبة لاضرار المكياج ف هي معروفة ولو ان حكاية الماركات انا بختلف معاكي فيها الماركات لها اضرار بس بجد نسيتها تختلف تماما عن اللى مضروب فانا شايفة ان بمبدا ان الواحدة مش محتاجة مكياجها طول حياتها كل يوم وانها تحطه لما تحب تظهر جمالها او ( فرفشة يعني 9 لاي سبب بقى تتجمل لزوجها او براحتها يعني فيعني الضرر الفظيع للجلد مش هايحصل لان زي ماحنا متفقينعلى المبدا انها عايشة من غير مكياج مجرد بس بتحطه ايه ( فرفشة )
اه في نقطة تانية احب اذكرها برضه
حكاية بلاد بره واوروبا والدول المتقدمة مين قال ان البنت او الست مبتهتمش بالحاجات دي بالعكس
جايز انتي تقصدي المراة العاملة هناك مجتهدة في شغلها ومبتبصش للحاجات دي طب هاتيلي مراة عاملة هنا بتبص للحاجات دي ياشيخة دي المراة العاملة هنا مطحونة مع ان كمان هناك الحياة بليل عندهم مفصولة عن العمل يعني هتلاقي اللى بتقولى عليها انها مبتحطش مكياج دي بتحط بليل عشان عندها معاد او رايحة نادي وهكذا
وعلى فكرة اكيد انتي واخدة بالك ان اوبرا بتحط مكياج وهتلاقي كتير من الشخصيات المشهورة عندهم بيحطوا مكياج كامل في اوقات كتير طب ازاي التجاعيد مبتظرهش عندهم بالسرعة دي بيهتماو بصحتهم وباكلهم وبرياضتهم غير ان اضرار المكياج اللى احنا قلنا انها موجودة موجودة يمكن تقليلها باستخدام المكياج الاصلي + العناية بالبشرة
انا عارفة اني طولت عليكي بس حبيت بس ارد على كل نقطة انا معترضة عليها
انا موافقة على شعارات كتير قلتيها لكن المكياج مش مرفوض تماما بالنسبة لي ويارب اكون عرفت اوصلك فكرتي
تقبلي مروري وتحياتي
Post a Comment